သွားဖုံးရောင်ခြင်း သွားဖုံးရောင်ခြင်းသည် သွားပေါ်တွင် တွယ်ကပ်နေသော သွားချေးလွှာကြောင့် ဖြစ်ရသော ရောဂါတစ်မျိုးဖြစ်သည်။ သွားဖုံးရောင်ပါက နာကျင်မှုကို ခံစားရခြင်း မရှိသလောက် နည်းပါးပါသည်။  သွားဖုံးရောင်ခြင်း သည် လူငယ်များတွင် အဖြစ်များသော ရောဂါတစ်ခုဖြစ်သည်။ သွားဖုံးရောင်ခြင်းကြောင့် သွားဆုံးရှုံရမှုမရှိသော်လည်း နောက်ဆက်တွဲအနေဖြင့် ရေစီကမ်းပြိုခေါ် သွားမြစ်ဝန်းကျင် ဆွေးမြေ့ခြင်းသို့ ကူးပြောင်းသွားနိုင်ပြီး အလွယ်တကူ သွားများ ဆုံးရှုံရနိုင်ပါသည်။ ရောဂါ၏ လက္ခဏာရပ်များ သွားဖုံးသားများ နီရဲရောင်ရမ်းနေခြင်း အစာစားခြင်း၊ သွားတိုင်ခြင်းတို့တွင် သွေးထွက်တတ်သည်။ သွားဖုံးသားများသည် သွားတွင် တွယ်ကပ်နေခြင်းမရှိပဲ အနည်းငယ်ဖြစ်ဖြစ် ကြွတက်နေတတ်သည်။ သွားကြားများရှိ သွားဖုံးအနားသတ်များသည် ချွန်မြမနေပဲ တုံးတိတိဖြစ်နေတတ်သည်။ ( အနားသတ်များ လုံးနေခြင်းကို ဆိုလိုပါသည်။) ဆိုးရွားလွန်းသော သွားဖုံးရောင်ရောဂါများတွင် သွားဖုံးသည် သွားကို ဖုံးအုပ်လုနီးနီးအထိ ဖြစ်နေတတ်သည်။ သွားအခြေတွင် သွားဂျိုးများ ရှိနေတတ်သည်။ ကျန်းမာသောသွားဖုံး ========================== သွားဖုံးရောင်ခြင်း ========================== ဆိုးရွားသော သွားဖုံးရောင်ခြင်း ================================== ဖြစ်ရသော အကြောင်းရင်း သွားဖုံးရောင်ခြင်းကို အဓိကဖြစ်စေသော အကြောင်းရင်းမှာ သွားပေါ်တွင် တွယ်ကပ်နေသော သွားချေးလွှာ ( dental plaque ) ကြောင့်ဖြစ်သည်။ သွားချေးလွှာသည် ချိုပြီးစေးကပ်သော အစားအစာများကြောင့် အဖြစ်မြန်ပြီး သွားပေါ်တွင် မမြင်ရသော အလွှာပါးလေးအဖြစ် ကပ်တွယ်နေခြင်းဖြစ်သည်။ သွားတိုက်ခြင်း၊ သွားကြားပွတ်ကြိုးသုံးခြင်းနှင့် ခံတွင်းသန့်ဆေးရည်များ ငုံထွေးခြင်းဖြင့် သွားချေးလွှာကို ဖယ်ရှားနိုင်သည်။ သို့သော် သွားပေါ်တွင် သွားချေးလွှာခိုအောင်းနေနိုင်ရန် အနေအထားများရှိနေပါက သွားတိုက်သော်လည်း သွားချေးလွှာကို ဖယ်ရှားနိုင်ခြင်းမရှိနိုင်ပေ။ ထို့ကြောင့် သွားဖုံးရောင်ခြင်းများသည် သွားတိုက်ခြင်းနေ့စဉ်လုပ်ကိုင်နေသည့်ကြားမှပင် ဖြစ်နေနိုင်သေးသည်။ အခြားသွားဖုံးရောင်ခြင်းဖြစ်နိုင်သော အခြေအနေများမှာ ကိုယ်ဝန်ဆောင်ခြင်း ဆေးများသောက်နေရခြင်း ( သွေးကျဆေးများ ) သွေးနှင့်ပတ်သက်သော ရောဂါများရှိခြင်း သွားပေါ်တွင် သွားချေးလွှာခိုအောင်းနေနိုင်ရန် အနေအထားများ သွားပေါ်တွင် သွားချေးလွှာ သည် သွားတိုက်သော်လည်း ပြောင်စင်မသွားပဲ ကျန်ရှိနေနိုင်သည်။ ထိုအခြေနေများမှာ စနစ်မကျသော သွားစိုက်ခြင်းများ စနစ်မကျသော သွားဖာခြင်းများ သွားညှိကုနေမှုများ သွားထပ်ချင်းများ သွားအခြေတွင် သွားဂျိုးများ ရှိနေခြင်း ( သွားဂျိုးများသည် သွားချေးလွှာများ စုပေါင်းလာခြင်းကြောင့် မာကြောသော သွားကျောက်များဖြစ်လာခြင်းဖြစ်သည်။ သွားချေးလွှာများသည် သွားတိုက်ရာတွင် စနစ်မကျခြင်းကြောင့် ပြောင်စင်မသွားပဲ သွားပေါ်တွင် ကပ်နေရာမှ ကြာလာပါက မာကြောလာသည်။ ) သွားဖုံးရောင်ခြင်း၏ နောက်ဆက်တွဲ အကျိုးများ သွားဖုံးရောင်ခြင်းကြောင့် ခံတွင်းအနံ့ဆိုးခြင်းများကို ခံစားရနိုင်သည်။ ချက်ချင်း သွားကို မထိခိုက်နိုင်သော်လည်း အချိန်ကြာလာပါက သွားအခြေများပေါ်လာကာ သွားမြစ်ဝန်းကျင် ပုတ်ဆွေးခြင်း၊ သွားမြစ်ဝန်းကျင် ပြည်တည်ခြင်း ၊ လည်ပင်းကျိတ်များ ထွက်လာခြင်း၊ မျက်နှာ ရောင်ရမ်းခြင်း၊ ဖျားနာလာခြင်း များအထိဖြစ်နိုင်ပါသည်။ ကာကွယ်ရန် ကာကွယ်ဖို့ အတွက် တစ်ခုတည်းသော အကောင်းဆုံးနည်းလမ်းမှာ စနစ်မှန်သွားတိုက်ခြင်းပင် ဖြစ်သည်။ ထို့ထက်ပိုမိုလုပ်ဆောင်လိုပါက သွားကြားပွတ်ကြိုးအသုံးပြုခြင်း၊ ခံတွင်းသန့်ငုံဆေးရည်အသုံးပြုခြင်းတို့ ကို ပြုလုပ်နိုင်သည်။ ထို့အပြင် သွားနှင့်ခံတွင်းပုံမှန်စစ်ဆေးမှုကို (၆) လတစ်ကြိမ် ပြုလုပ်ကာ လိုအပ်ပါက သွားဂျိုးခြစ် ခံတွင်းသန့်ရှင်းကုသမှုခံယူသင့်သည်။ ကုသရန် သွားဖုံးရောင်ရောဂါကို ကုသရန် သွားဂျိုးခြစ်ခံတွင်းသန့်ရှင်းကုသမှုဖြင့် ကုသနိုင်သည်။ သွားနှင့်ခံတွင်းကုသမှုများသည် အမြစ်ပြတ်ကုသနိုင်သော ရောဂါများမဟုတ်ဘဲ ကြိုတင်ကာကွယ်နိုင်သော ရောဂါများဖြစ်ခြင်းကြောင့် နောက်တစ်ကြိမ်  မဖြစ်ရန်မှာ မိမိကိုယ်တိုင် သွားနှင့်ခံတွင်းစောင့်ရှောက်မှုပေးခြင်းသည် မဖြစ်မနေလုပ်ရမည့် လုပ်ငန်းစဉ်တစ်ခုဖြစ်ပါသည်

သွားနှုတ်ခြင်း

သွားနုတ်ခြင်း by ဦးဒေါက်တာ on May 3rd, 2012 သွားနုတ်ခြင်းဟာ တကယ်တော့ ပြီးပြည့်စုံသော ကုသမှုတစ်ခုတော့ မဟုတ်ပါ။ သွားနှင့်ခံတွင်းရောဂါတစ်ခုကို ယာယီသက်သာစေရန် လုပ်ပေးထားခြင်းသာဖြစ်သည်။ ဒါကြောင့် သွားနုတ်ပြီးလို့  နာတာကိုက်တာ သက်သာသွားတာကို ပျောက်သွားပြီလို့ မယူဆသင့်ပါဘူး။ အစာစားရင် ဘာနဲ့ ဝါးမလဲဆိုတာကို ပြန်စဉ်းစားသင့်ပါတယ်။ သွားကိုက်သွားနာဖြစ်ပါက ကုသနိုင်သည့် နည်းလမ်းများစွာရှိသည့်အထဲမှ လူအများသိထားသော နည်းတစ်ခုကတော့ သွားနုတ်ခြင်းပါပဲ။ မြန်မာနိုင်ငံမှာ အရင်ခေတ်ထဲက အရိုးစွဲလာတာဆိုတော့ ဒီနည်းအပြင် တခြားနည်းလမ်းများကို ပြောပြပေမယ့် လက်မခံနိုင်ကြသေးပါဘူး။ သွားတစ်ချောင်းချင်းစီရဲ့ အသုံးဝင်ပုံကို ကြည့်မယ်ဆိုရင် အစာဝါးခြင်း၊ စကားပြောခြင်း၊ ရုပ်ဆင်းကို ဖေါ်ဆောင်ခြင်းဆိုပြီး ရှိပါတယ်။ သွားနှင့်ခံတွင်းရောဂါများကို ကုသရာမှာ ဒီအချက်သုံးချက်ကို ထည့်စဉ်းစားရပါတယ်။ ဒါကြောင့် သွားနုတ်ပြီး သွားကိုက်တာ သက်သာသွာပေမယ့် အစာဝါးဖို့ အခက်အခဲရှိမယ်။ လူရှေ့မှာ ပါးစပ်ဟဖို့တောင် အခက်အခဲရှိမယ်ဆိုရင် ဒါဟာ လဲ ရောဂါတစ်မျိုးပါဘဲ။ ဒါကြောင့် သွားနုတ်တာဟာ ပြီးပြည့်စုံသော ကုသမှုမဟုတ်ဘူးလို့ ဆိုလိုတာပါ။အဲ့ဒီတော့ ဒါတွေအဆင်ပြေဖို့ နုတ်ထားတဲ့သွားကို ပြန်လည်အစားထိုးစိုက်ရပါတယ်။ အဲ့ဒီအခါ ကုန်ကျစရိတ်ပါ ပိုမိုကုန်ကျသွားပါတယ်။ နောက်ပြီးတော့ စိုက်တဲ့သွားကလဲ အတုပဲ ဖြစ်သွားပါတယ်။ အကောင်းဆုံးကတော့ ဆရာဝန် စမ်းသပ်ပြီး အမှန်တကယ်နုတ်သင့်တဲ့သွားဆိုမှသာလျှင် နုတ်သင့်ပါတယ်။ ပြန်လည်ဖာလို့ ရတယ်ဆိုရင် ပြန်လည်ဖာတာဟာ အကောင်းဆုံးဖြစ်ပါတယ်။ ဒါဆိုရင် မိမိသွားအစစ်နဲ့ ဆက်လက်နေနိုင်မှာဖြစ်ပါတယ်

သွားနှင့်ခံတွင်း ကျန်းမာရေး ဘာ့ကြောင့် ဂရုစိုက်သင့်သလဲ

သွားနှင့်ခံတွင်း ကျန်းမာရေး ဘာ့ကြောင့် ဂရုစိုက်သင့်သလဲ by ဦးဒေါက်တာ on May 3rd, 2012 ကျန်းမာသော သွားဖုံးနှင့်သွားများ (၁) သွားနှင့် ခံတွင်းကျန်းမာရေးသည် ရာနှုန်းပြည့်နီးပါး ကာကွယ်နိုင်သည်။ ဆိုလိုချင်တာက သွားနှင်ခံတွင်းရောဂါအများစုဟာ စနစ်တကျကာကွယ်မယ်ဆိုရင် အသေအချာကို ကာကွယ်နိုင်ပါတယ်။  သွားနှင့်ခံတွင်းကျန်းမာရေးကို ဂရုစိုက်ခြင်းအားဖြင့် လုံးဝမဖြစ်အောင် နေနိုင်ပါတယ်။ သွားနှင့်ခံတွင်းမှာ အဖြစ်အများဆုံး နဲ့ သွားများ အဆုံးရှုံးရဆုံးကတော့ သွားပိုးစားခြင်း(dental caries) နဲ့ ရေစီးကမ်းပြိုလို့ အများသိကြတဲ့ သွားမြစ်ဝန်းကျင်ဆွေးမြေ့ယောင်ရမ်းခြင်း( Periodontitis) တို့ ဖြစ်ပါတယ်။ အဲ့ဒီနှစ်ခုလုံးကြောင့်သွားများ ဆုံးရှုံးရတာများပါတယ်။  အဲ့ဒီနှစ်ခုလုံးကို ကာကွယ်နိုင်သည်မှာ သွားတိုက်ခြင်းနဲ့ ဒီထက်ပိုချင်ရင် သွားကြားပွတ်ကြိုးအသုံပြုခြင်းတို့ပဲ ဖြစ်သည်။ မည်သူမဆို အနည်းငယ်လေ့ကျင့်ရုံမျှဖြင့် အလွယ်တကူ တတ်လွယ်သော နည်းများဖြစ်ပါသည်။ စနစ်ကျရန်သာ လိုပါသည်။ ထိုသို့ အလွယ်တကူ ကာကွယ်နိုင်သော သွားနှင့်ခံတွင်းရောဂါများကို ဖြစ်လာမှ ခက်ခက်ခဲခဲ ကုသနေမည့်အစား မဖြစ်အောင် အလွယ်တကူကာကွယ်ကြပါလို့ ပြောချင်တာပါ။ (၂) သွားနှင့်ခံတွင်းဆေးကုသခများသည် ကုန်ကျစရိတ်များကြသည်။ ဒါကတော့ အများသိကြပါတယ်။ သွားနှင့်ခံတွင်းရောဂါကုသမှုများဟာ ကုန်ကျစရိတ်များပါတယ်။ ဘာလို့ များလဲ မမေးပါနဲ့ ။ များကို များတာပါ။ သွားနှင့်ခံတွင်းကုသမှုများဟာ ကုသချိန်ကြာမြင့်မှု၊ လိုအပ်သော ဆေးပစ္စည်းများ ဈေးကြီးမှုနှင့် နေရာထိုင်ခင်း သန့်ရှင်းသတ်ရပ်အောင် စီစဉ်ရမှုများကြောင့် ကုန်ကျမှုကို ပိုများစေပါတယ်။ သွားနုတ်ခြင်းသည်ပင်လျှင် အသေးစားခွဲစိတ်မှုတစ်ခုဖြစ်ပါသည်။ နုတ်ရခက်ခဲသောသွားများဆိုလျှင် အကြီးစားခွဲစိတ်မှုတစ်ခုကဲ့သို့ ကြာမြင့်တတ်ပါသည်။ ထို့ကြောင့် မည်သည့်ကုသမှုမဆို ကုန်ကျစရိတ်များသွားပါတယ်။ ဒါပေမယ့် အားလုံးကို ကာကွယ်နိုင်မှတော့ ကုသမှုကို ရောက်ရန်မလိုပါ။ သွားနှင့်ခံတွင်းရောဂါများမဖြစ်ပွားအောင် ကာကွယ်ရန် သိပ်အရေးကြီးတယ်လို့ ဆိုချင်တာပါ။ စနစ်တကျကာကွယ်လျှင် လုံးဝမဖြစ်အောင် ကာကွယ်နိုင်သောကြောင့် ကုန်ကျစရိတ်ဘယ်လောက်များများ ပူပင်ရန်လိုမည်မထင်ပါ။ (၃) ကလေးသွားများသည် ရောဂါဖြစ်လာပါက ကုသရန်အလွန်ခက်ခဲပါသည်။ ကလေးသွားများသည် ပိုးစားလာပါက ကိုက်ခဲရန်၊ ပိုးဝင်ပြည်တည်ရန်နှင့် ရောင်ရမ်းရန် အလွန်လွယ်ကူမြန်ဆန်ပါသည်။ သို့သော် အခက်ဆုံးအလုပ်မှာ ကလေးများအား ကုသမှုပင်ဖြစ်သည်။ နေ့စဉ် သွားတိုက်ပေးရုံမျှဖြင့် ကာကွယ်နိုင်သော သွားရောဂါများသည် ကလေးများတွင် ဖြစ်လာပါက ကုသဖို့ အလွန်ခက်ခဲပါသည်။ ကလေးများ ကြောက်ရွံ့ခြင်းကြောင်းလည်းကောင်း၊ ငြိမ်သက်စွာ ကုသမှုမခံယူတတ်ခြင်းကြောင့်လည်းကောင်း၊ ရောဂါပျံ့နှံ့မှု မြန်ဆန်ခြင်းကြောင့်လည်းကောင်း ကုသရာတွင် အခက်အခဲများစွာတွေ့ရပါသည်။ ထို့ကြောင့် ကလေးများအား ရောဂါမဖြစ်အောင် ကြိုင်တင်ကာကွယ်ခြင်းသည်သာ အကောင်းဆုံးဖြစ်ကြောင်း ပြောခြင်းဖြစ်ပါသည်။ (၄) လူကြီးများတွင်လည်း အချို့သွားရောဂါများသည် ကုသရန်ခက်ခဲပါသည်။ လူကြီးတွင် ဖြစ်သော သွားရောဂါအချို့မှာလည်း အလွန်ဆိုးရွားလာမှ လာရောက်ပြသခြင်း၊ ကုန်ကျစရိတ်များခြင်း၊ ချိန်းသည့်အချိန် ထပ်လာပြမှ အဆင်ပြေသောအခြေအနေများတွင် မကြာခဏလာပြရန် ခက်ခဲခြင်း (လမ်းစရိတ်များခြင်း၊ မအားလပ်ခြင်း၊ အချို့လူကြီးများ အဖေါ်ပါမှလာနိုင်ရာ လိုက်ပို့ပေးမယ့် အဖေါ်မအားလပ်ခြင်း) စသည်များကြောင့် ကုသရာတွင် ခက်ခဲတတ်ပါသည်။ ထို့ကြောင့် ကြိုတင်ကာကွယ်ခြင်းသာလျင် အကောင်းဆုံးဟု ပြောကြားရခြင်းဖြစ်ပါသည်။ (၅) သွားတုများသည် ကုန်ကျစရိတ်များသော်လည်း မိမိပင်ကိုယ်သွားလောက်တော့ မကောင်းပါ။ ဒါကတော့ဗျာ သိသာပါတယ်။ အတုဆိုတာ အစစ်လောက်တော့ မကောင်းနိုင်ပါဘူး။ နောက်ပြီး သဘာဝတရားက ဖန်တီးထားတဲ့ သွားကို အစစ်လောက်ကောင်းအောင် လူတွေလုပ်ဖို့ဆိုတာ ဘယ်လိုမှ မဖြစ်နိုင်ပါဘူး။ ဒါကြောင့် အလွန်ကောင်းမွန်ပြည့်စုံတဲ့ မိမိရဲ့ ပင်ကိုသွားလေးများးကို သေသည့်တိုင်အောင် ကျန်ရှိနေဖို့ ဂရုစိုက်ကာကွယ်ကြပါလို့ တိုက်တွန်းချင်ပါတယ်

သွားနှင့်ခံတွင်း ရောဂါကင်း သင်၏ကျန်းမာခြင်း

သွားနှင့်ခံတွင်း ရောဂါကင်း သင်၏ကျန်းမာခြင်း  ကမ္ဘာ့ ကျန်းမာရေး အဖွဲ့က ၁၉၉၄ ခုနှစ် ကမ္ဘာ့ ကျန်းမာရေးနေ့ ဆောင်ပုဒ်ကို ''သွားနှင့်ခံတွင်း ရောဂါကင်း သင်၏ ကျန်းမာခြင်း'' ဆိုပြီး ရွေးချယ် သတ်မှတ်ခဲ့သည်ကို မှတ်မိကြလိမ့်မည်ဟု ထင်သည်။ ထိုနှစ်ကို ကမ္ဘာ့ခံတွင်း ကျန်းမာရေး နှစ်အဖြစ် သတ်မှတ်ခဲ့သည်။ သွားနှင့်ခံတွင်း ကျန်းမာခြင်း ဆိုသည်မှာ ခံတွင်းထဲမှ သွားများ၊ သွားဖုံးများ၊ လျှာ၊ မေးရိုးနှင့် မေးရိုးဝန်းကျင်ရှိ ကြွက်သားများ၊ သွေးကြောများ၊ နာဗ့်ကြောများ ကျန်းမာနေပြီး ပုံမှန်လှုပ်ရှား နေခြင်းကို ဆိုလိုသည်။ ထို့ပြင် သွားများသည် ညီညာလှပနေပြီး သွားအံချော်ခြင်း၊ သွားထပ်ခြင်း မရှိပါမှ လူမှုဆက်ဆံရေး နယ်ပယ်တွင် အောင်မြင်မှာဖြစ်သည်။ သွားနှင့်ခံတွင်း ပြဿနာများ ရှိနေပါလျှင် အဆိုပါ ပုဂ္ဂိုလ်၏ ကိုယ်ရည်ကိုယ်သွေးကို ဆိုးကျိုးပေးနိုင်သည်။ ကျန်းမာစွာ နေနိုင်ရန် လူတို့သည် သွားနှင့်ခံတွင်း ပုံမှန်လုပ်ဆောင် ဖြစ်တဲ့အခါ ဝါးစားခြင်း၊ အရသာခံစားခြင်း၊ အစာကို မြိုချခြင်း၊ အစာကို ကြေညက်အောင် ပြုလုပ်ပေးခြင်း၊ စကားပြောခြင်း၊ တေးသီချင်းဆိုခြင်း၊ နမ်းရှုပ်ခြင်း၊ အသက်ရှူခြင်း၊ မျက်နှာအလှကို ပေါ်လွင်စေခြင်း၊ မိမိကိုယ်ကို ယုံကြည်စိတ်ချမှု ရှိခြင်းတို့ဖြစ်သည်။ ကလေးများ အဖြစ်အများဆုံး ရောဂါတစ်ခုကို ပြောပါဆိုလျှင် သွားပိုးစား ရောဂါဟု ဆိုလျှင်မှန်သည်။ သွားပိုးစား ရောဂါ သည် ပိုးကောင် ကလေးတွေက သွားတွေကို စားသွားခြင်း မဟုတ်ပါ။ သွားကြိုသွားကြားနှင့် သွားမျက်နှာပြင် ပေါ်တွင် တွယ်ကပ်နေသော သွားချေးလွှာ ထဲတွင်ရှိသည့် အဏုကြည့် မှန်ဘီလူးဖြင့် အဆ ထောင်ချီပြီး ကြည့်မှသာ မြင်နိုင်သော ဗက်တီးရီးယား ကောင်ကလေးများနှင့် ချို၍ စေးကပ်သော အစားအစာတို့ ထိတွေ့ပြီး ပိုးပေါက်ငယ် ကလေးများ ဖြစ်ပေါ်စေ ကာ အချိန်မီ မကုသပါက အပေါက်ပိုကျယ်သွားပြီး သွား၏ အတွင်းပိုင်းသို့ သွားပိုးရောက်သွားပါက သွားကိုက်ဝေဒနာ ခံစားရပြီး သွားမြစ်ထိပ်တွင် ပြည်တည်လာတတ်သည်။ ထိုအခါ မျက်နှာရောင်ခြင်း၊ ပြည်တည်နာဖြစ်ခြင်း၊ အရိုးဆွေး ရောဂါဖြစ်ခြင်း တို့ကို ဖြစ်ပေါ်စေသည်။ ကလေးသွားများ လူကြီးသွား လဲသည့်အခါ သူ့အလိုလို ကျိုးသွားမှာပဲဆိုပြီး ဂရုမစိုက်ဘဲ မနေသင့်ပါ။ ကလေး သွားများ အချိန်မတိုင်မီ ဆုံးရှုံးသွားပါက လူကြီးသွားများ ပေါက်သောအခါ သွားမညီမညာဖြစ်ခြင်း၊ သွားပေါက်ချိန် မမှန်ခြင်း တို့ ဖြစ်နိုင်သည်။ ကလေးအရွယ်တွင် လက်မစုပ်ခြင်း၊ ရှေ့သွားများကို လျှာဖြင့် ထိုးခြင်းတို့ကြောင့် ရှေ့သွား ခေါခြင်းဖြစ်ပြီး မျက်နှာအလှကို ပျက်စေသည်။ လူကြီးအရွယ်တွင် သွားရောဂါများကြောင့် ကမ္ဘာပေါ်တွင် ရုံးတက်ရက် ပျက်ကွက်မှု မည်မျှရှိကြောင်းကို ကမ္ဘာ့ဘဏ်၏ ၁၉၉၆ ခုနှစ် အစီရင် ခံစာအရ သွားရောဂါများကြောင့် ၂ ရာခိုင်နှုန်း၊ တီဘီ ရောဂါကြောင့် ၁ ဒသမ ၅ ရာခိုင်နှုန်းနှင့် သွေးအားနည်း ရောဂါကြောင့် ၁ ဒသမ ၅ ရာခိုင်နှုန်း ရှိကြောင်း တွေ့ရှိရ သည်။ သွားရောဂါများဖြစ်ရခြင်း အဓိက အကြောင်းမှာ ခံတွင်း မသန့်ရှင်း၍ ဖြစ်သည်။ သို့ပါ၍ ယင်းရောဂါကို ဘယ်လို ကာကွယ်ကြမလဲ။ အောက်ပါနည်းများကို သေချာစွာ လိုက်နာခြင်းဖြင့် ကာကွယ်ကြပါစို့။ ၁။ သွားများကို တစ်နေ့နှစ်ကြိမ် နံနက်စာ စားပြီး တစ်ကြိမ်၊ ညအိပ်ရာ မဝင်မီတစ်ကြိမ် တိုက်ပါ။ ၂။ သွားပိုးစား ရောဂါကို ထိရောက်စွာ ကာကွယ်ပေးနိုင်သော ဖလိုရိုက်ပါသော သွားတိုက်ဆေးဖြင့် တိုက်ပါ။ (ဖလို ရိုက် ၇ဝဝ-၁ဝဝဝ သန်း ရာခိုင်နှုန်း ပါဝင်ရပါမည်) ၃။ သွားတစ်ခါ တိုက်လျှင် ၂-၃ မိနစ်ကြာအောင် တိုက်ပါ။ ၄။ သွားများကို ကန့်လန့်ဖြတ် မတိုက်ရပါ။ ၅။ သွားအားလုံး၏ မျက်နှာပြင်အားလုံးကို တိုက်ပေးပါ။ ၆။ ကလေးများကို ကလေးသွားတိုက်ဆေး (ဖလိုရိုက်ပါသော)ဖြင့် တိုက်ပေးပါ။ သွားတိုက်ပြီးပါက သွားတိုက် ဆေးတွေ ခံတွင်းထဲတွင် ကုန်အောင် ပလုတ်မကျင်းပါနှင့်

မိခင်လောင်းဘ၀တွင် ပိုအလေးထားရမည့် “သွား” မိခင်လောင်းဘ၀တွင် ပိုအလေးထားရမည့် “သွား” ကျွန်တော်ငယ်ငယ်က အဘွားအမြဲ ပြောတတ်လို့ မှတ်မိနေတဲ့ စကားလေးတစ်ခွန်း ရှိတယ်။ "ကိုယ်ဝန်ဆောင် မိခင်ဆိုတာ တစ်နေ့သင်္ချိုင်းကို မျက်စောင်းသုံးခါ ထိုးတယ်" တဲ့။ ကလေးဘ၀တုန်း ကတော့ ကိုယ်ဝန်ဆောင် အမျိုးသမီးတွေက ဘာဖြစ်လို့များ သင်္ချိုင်း တစ်နေ့သုံးကြိမ် မျက်စောင်း သွားသွားပြီး ထိုးပါလိမ့်လို့ ခပ်ကြောင်းကြောင်း တွေးခဲ့မိတယ်။ သွားနှင့်ခံတွင်း အလုပ်သင် ဆရာဝန်ဘ၀ ရောက်တော့ မေးရိုးနှင့် ခံတွင်း ခွဲစိတ်ကုသမှု ဌာနမှာ တာဝန် ကျနေတုန်း ကိုးလ နီးပါး ကိုယ်ဝန်လွယ်ထားတဲ့ အမျိုးသမီး တစ်ဦး အရေးပေါ် ဌာနကိုရောက်လာခဲ့ ပါတယ်။ သွားပိုးစား ရောဂါကနေ တစ်ဆင့် ပိုးဝင်ကာ မျက်နှာတစ်ခြမ်း ရောင်ရမ်းပြီး ခန္ဓာကိုယ် တစ်ခုလုံး ပိုးပျံ့နှံ့တဲ့ ရောဂါ လက္ခဏာတွေနဲ့ ဖြစ်ပါတယ်။ ပိုးသတ်ဆေးတွေ သွင်းပြီး ခက်ခက်ခဲခဲ ကုသနေတဲ့ အချိန်အတွင်းမှာ ကလေးလည်း မီးဖွားခဲ့ရ သေးတယ်။ လူနာရော၊ လူနာရှင်တွေမှာ ဘယ်လောက်တောင် ဒုက္ခ ခံစားခဲ့ကြရမလဲ ဆိုတာ တွေးကြည့်ရုံနဲ့ တင် သိရှိနိုင် ပါတယ်။ ကိုယ်ဝန်ဆောင်တယ် ဆိုတာ အမျိုးသမီး တစ်ယောက်ရဲ့ ဘ၀မှာ ထူးခြား မွန်မြတ်လှတဲ့ အချိန်အခါ သမယတစ်ခု ဖြစ်သလို အန္တရာယ် အချိန်မရွေး ကြုံနိုင်တဲ့ကာလ တစ်ခုလည်း ဖြစ်ပါတယ်။ ခန္ဓာကိုယ်တွင်းမှာ ဟော်မုန်း ပြောင်းလဲမှု တွေကြောင့် ပင်ပန်း နွမ်းလျမှုတွေ၊ အော့အန်မှု တွေနဲ့ ကိုယ်ဝန်ဆောင် မိခင်လောင်းတွေရဲ့ ဒုက္ခဟာ မသေးလှပါဘူး။ ဒီလို ဒုက္ခတွေ ကြားထဲမှာ ကိုယ်ဝန် တကားကားနဲ့ သွားဆေးခန်းတွေ၊ ဆေးရုံတွေကို ရောက်လာကြတဲ့ ကိုယ်ဝန်ဆောင် မိခင်တွေ မနည်းလှပါဘူး။ သွားကိုက်လို့၊ သွားဖုံးတွေ ရောင်ရမ်းလို့ သွားဖုံးက သွေးတွေ ယိုလို့၊ သွားဖုံး အဖုအကျိတ်တွေ ထွက်လို့ အမျိုးမျိုးသော ရောဂါတွေနဲ့ ရောက်လာကြ ပါတယ်။ ကိုယ်ဝန်ဆောင် မိခင် တစ်ယောက်မှာ ကိုယ်ဝန်ဆောင်ခြင်းကြောင့် ခန္ဓာကိုယ်မှာ ဟော်မုန်း အပြောင်းအလဲတွေ ဖြစ်ပြီး သွားဖုံးရောင်ရောဂါ အပြင် သွားပိုးစားရောဂါ ဖြစ်ပွားနိုင်မှု များကို တိုးပွားစေ ပါတယ်။ ဒါကြောင့် ကိုယ်ဝန်ရှိစဉ် အတွင်းနဲ့ ကလေးမီးဖွားပြီး အချိန်တွေမှာ သွားနှင့် ခံတွင်း ကျန်းမာရေးကို ဂရုစိုက်သင့် ပါတယ်။ အကောင်းဆုံး ကတော့ ကိုယ်ဝန် မယူခင် ကတည်းက သွားနှင့် ခံတွင်း ကျန်းမာရေး စောင့်ရှောက်မှုကို သေချာယူထားတာ အကောင်းဆုံး ဖြစ်ပါတယ်။ ကိုယ်ဝန်မဆောင်ခင် “သွား” ကျန်းမာရေး စောင့်ရှောက်မှု ကြိုတင်ခံယူခြင်း ကိုယ်ဝန်ဆောင် မိခင်တစ်ယောက် အနေနဲ့ ကိုယ်ဝန် ဆောင်မယ်လို့ စိတ်ကူးတဲ့ အချိန် ကတည်းက သွားနှင့် ခံတွင်း ကျန်းမာရေးကို သေချာ ဂရုတစိုက် ကြိုတင်၍ ကုသမှု ခံယူသင့် ပါတယ်။ ဘာဖြစ်လို့လဲ ဆိုရင် အကြမ်းဖျင်းအားဖြင့် ကိုယ်ဝန်ဆောင် ကာလ ကိုးလကို သုံးပိုင်း ခွဲကြည့်လျှင် ပထမ သုံးလ၊ ဒုတိယ သုံးလနဲ့ တတိယ သုံးလလို့ တွေ့နိုင်ပြီး ပထမ သုံးလနှင့် တတိယ သုံးလ အတွင်းမှာ သွားနှင့် ခံတွင်း ရောဂါ တစ်ခုခု ခံစားရပါက ကုသရန် ခက်ခဲသောကြောင့် ဖြစ်ပါတယ်။ ကိုယ်ဝန်ဆောင် ကာလ ပထမသုံးလ အချိန်အတွင်းမှာ သန္ဓေသားရဲ့ အင်္ဂါ အသီးသီး စတင် ဖြစ်ပွားရတဲ့ ကာလ ဖြစ်ပါတယ်။ ယင်းကာလ အတွင်းမှာ သန္ဓေသား ဖြစ်ပွားမှုကို အနှောင့်အယှက် ဖြစ်စေမယ့် ဓာတ်မှန် ရိုက်ခြင်း၊ တချို့သော ဆေးဝါးများ သောက်သုံးခြင်း၊ စိတ်ဖိစီးမှု ဖြစ်ခြင်း စသည်တို့ကို ရှောင်ကြဉ်ရမယ်။ အကယ်၍ တစ်စုံတစ်ရာ အမှားအယွင်း ပြုလုပ်ခဲ့မိပါက သန္ဓေသားရဲ့ကိုယ်အင်္ဂါ ဖြစ်ပွားမှုမှာ ပြဿနာ ပေါ်စေပြီး အင်္ဂါမစုံတဲ့ ကလေးကို မွေးဖွားလာနိုင် ပါတယ်။ ဒီလိုပါပဲ နောက်ဆုံး သုံးလမှာလည်း သန္ဓေသားရဲ့ ကြီးထွားလာမှုကြောင့် သွားခံတွင်း ကျန်းမာရေး ကုသမှု ခံယူဖို့ ဆေးကုသမှု ခံယူသော ခုံပေါ်မှာ အချိန် ကြာမြင့်စွာ ထိုင်ဖို့ မဖြစ်နိုင်ပါဘူး။ ဘာဖြစ်လို့လဲ ဆိုတော့ သန္ဓေသားက Inferior Vena Cava လို့ ခေါ်တဲ့ သွေးကြောကို ဖိထားသလို ဖြစ်ပြီး သွေးပေါင်ချိန် ရုတ်တရက် ကျဆင်းလာကာ သတိလစ် မေ့မြောသွားတတ် တာကြောင့် ဖြစ်ပါတယ်။ ဒါ့အပြင် တချို့သော ထုံဆေးမှာ ပါဝင်တဲ့ ဆေးတစ်မျိုးဟာ သားအိမ်ကို ညှစ်ရာမှာ လှုံ့ဆော်ပေးတဲ့ ဟော်မုန်း တစ်မျိုးရဲ့ အစွမ်းသတ္တိနဲ့ တူနေတာမို့ ကလေး ပျက်ကျခြင်း ကိုလည်း ဖြစ်စေပါတယ်။ အထက်ပါ ကိစ္စများကြောင့် ကိုယ်ဝန် မဆောင်ခင် ကိုယ်ဝန်ယူမယ်လို့ ဆုံးဖြတ်ထားတဲ့ အချိန်က စပြီး သွားဘက်ဆိုင်ရာ ဆရာဝန်တွေနဲ့ ကြိုတင်ပြသ စစ်ဆေးပြီး သွားကျောက်များကို သန့်ရှင်းရေး ပြုလုပ်ခြင်း၊ သွားဖုံး ကျန်းမာရေးကို ဂရုစိုက်ခြင်း၊ သွားပိုးစားထားတဲ့ ပိုးပေါက်တွေ ရှိပါက သွားဖာခြင်း၊ ဆေးကုသခြင်း များကို ပြုလုပ်ထားသင့် ပါတယ်။ ကိုယ်ဝန်ဆောင်စဉ်မှာ သွားရောဂါ တစ်ခုခု ခံစားရပါက ဆေးကုသမှု ခံယူရန် ခက်ခဲပြီး အခန့်မသင့်လျှင် ကလေးအား ထိခိုက်နိုင်သည်ကို သတိပြုသင့် ပါတယ်။ ကိုယ်ဝန်ဆောင်နေစဉ် အတွင်း သွားကျန်းမာရေး စောင့်ရှောက်မှု ခံယူခြင်းနှင့် ဖြစ်ပွားတတ်သော သွားနှင့်ခံတွင်း ရောဂါများ ကိုယ်ဝန်ဆောင် အမျိုးသမီး တော်တော်များများဟာ ကိုယ်ဝန်ဆောင် အစောပိုင်း ကာလများမှာ အန်တတ် ပါတယ်။ အဲဒီလို အန်ရာမှာ အစာအိမ် အတွင်းမှ အက်ဆစ်ရည်တွေ ပါလာတတ်ပြီး ယင်းအက်ဆစ် များက သွားများကို စားသွားနိုင်ပါတယ်။ ထိုမှ တစ်ဆင့် သွားပိုးစား ရောဂါရှိပါက ပိုမိုဆိုးဝါး သွားစေနိုင် ပါတယ်။ ဒါကြောင့် အန်ပြီးတိုင်း ရေနဲ့ သေချာစွာ ပလုတ်ကျင်းဖို့ လိုအပ်ပါတယ်။ ပျို့ချင်၊ အန်ချင်တာကြောင့် သွားတိုက်ခြင်းကို မပျက်ကွက်စေရန် အထူး ဂရုပြုသင့် ပါသည်။ ကိုယ်ဝန်ဆောင်စဉ် ကာလမှာ ထင်ရှားတဲ့ သွားနှင့်ခံတွင်း ရောဂါလက္ခဏာ တစ်ခုကတော့ သွားများ ယိုင်နဲ့လာတတ်ခြင်း ဖြစ်ပါတယ်။ ယင်းသို့ ဖြစ်ပွားရခြင်းမှာ ကိုယ်ဝန်ဆောင်နေစဉ် အတွင်း အီစတိုဂျင် (Estrogen) နဲ့ ပရိုဂျက်စတုန်း (Progestrone) ဟော်မုန်း ပမာဏများ ခန္ဓာကိုယ် အတွင်း မြင့်မားလာခြင်းကြောင့် ကိုယ်ဝန်ဆောင် သွားဖုံးရောင် ရောဂါ (Pregnancy Gingivitis) ဖြစ်ပွားတာကြောင့် ဖြစ်ပါတယ်။ ကိုယ်ဝန်ဆောင် အမျိုးသမီး များရဲ့ ၅၀ ရာခိုင်နှုန်း အထက်မှာ ဖြစ်ပွားလေ့ ရှိပါတယ်။ တချို့ ကိုယ်ဝန်ဆောင် အမျိုးသမီးများတွင် သွားဖုံးရောင် ရောဂါအပြင် သွားဖုံးမှ သွေးယိုခြင်း၊ သွားဖုံးမှ အဖုအကျိတ် ထွက်ခြင်း (Pregnancy Tumour) များပါ ဖြစ်ပွားတတ် ပါတယ်။ ကိုယ်ဝန်ဆောင်ကာလ သွားနှင့် ခံတွင်း ဆေးကုသမှု ခံယူရာတွင် လိုက်နာသင့်သည့် အချက်များ ကိုယ်ဝန်ဆောင်နေစဉ် အတွင်း တခြားသော ကျန်းမာရေး စောင့်ရှောက်မှုများ ခံယူသကဲ့သို့ သွားနှင့် ခံတွင်း ကျန်းမာရေး စောင့်ရှောက်မှု များကိုလည်း ခံယူသင့် ပါတယ်။ ယင်းကဲ့သို့ ကုသမှု ခံယူရာတွင် သတိပြု လိုက်နာသင့်သော အချက်များမှာ - - ကိုယ်ဝန် ဆောင်နေကြောင်း သွားဘက်ဆိုင်ရာ ဆရာဝန်ကို သေချာ ပြောပြရပါမယ်။ အဘယ့်ကြောင့် ဆိုသော် ပထမ သုံးလနဲ့ နောက်ဆုံး မွေးဖွားခါနီး သုံးလအတွင်း သွားရောဂါ ကုသမှုများကို တတ်နိုင်သမျှ မပြုလုပ်ရန် လိုအပ်သောကြောင့် ဖြစ်ပါတယ်။ ယင်းကာလများ အတွင်း ရောဂါဝေဒနာ လုံးဝ ပျောက်ကင်းအောင် ကုသခြင်းမျိုးထက် ဝေဒနာ သက်သာစေလောက်သော ကုသမှု များကိုသာ ကုသပေးတတ် ပါတယ်။ မဖြစ်မနေ ကုသရမယ့် ရောဂါများ ရှိရင် ဒုတိယ သုံးလ အတွင်း ခံယူနိုင် ပါတယ်။ - သွားဘက်ဆိုင်ရာ ဆရာဝန်ကို မိမိ သောက်သုံးနေသော ကိုယ်ဝန်ဆောင် အားဆေးမှ စ၍ တခြားသော ဆေးများကို အမည်နဲ့ တကွ သေချာစွာ ပြောပြရန် လိုအပ်ပါတယ်။ ဒါ့အပြင် သားဖွားမီးယပ် ဆရာဝန်ရဲ့ ညွှန်ကြားထားတဲ့ အချက်အလက် များကိုလည်း သေချာစွာ ပြောပြသင့် ပါတယ်။ ယင်းအချက်အလက် များကို အခြေခံပြီး သွားဆရာဝန်များ အနေနဲ့ ကုသမှု အစီအစဉ် (Treatment Plan) ကို သေချာစွာ ချမှတ်နိုင်မှာ ဖြစ်လို့ ဖြစ်ပါတယ်။ - ကိုယ်ဝန်ဆောင် နေစဉ် သွားနာ သွားကိုက်ခြင်း၊ သွားဖုံးရောင်ခြင်းများ ဖြစ်ပွားလျှင် သွားဆရာဝန်နဲ့ မပြသဘဲ မိမိ သဘောဖြင့် နီးစပ်ရာ ဆေးစပ်ရောင်းသော ဆိုင်များမှာ စပ်ဆေးများ ၀ယ်သောက်ခြင်းကို လုံးဝ မပြုလုပ်ရန် အထူး သတိပြုသင့် ပါတယ်။ ကိုယ်ဝန်ဆောင်စဉ် တချို့သော ဆေးဝါးများ ဥပမာ အားဖြင့် Tetracycline, Aspirin, Benzodiazepines, Erythromycin Estolate စသည် တို့ဟာ သောက်သုံးရန် မသင့်တော်သောကြောင့် ဖြစ်ပါသည်။ - ကိုယ်ဝန်ဆောင် ကာလအတွင်း ဓာတ်မှန်ရိုက်ခြင်းကို တတ်နိုင်သမျှ ရှောင်ကြဉ်ရန် လိုအပ်ပြီး မဖြစ်မနေ ရိုက်ရမယ် ဆိုလျှင် Lead အကာအကွယ် ပစ္စည်းကို အသုံးပြုသင့် ပါတယ်။ - အရေးအကြီးဆုံးမှာ ကိုယ်ဝန် ဆောင်နေရသဖြင့် သွားနှင့် ခံတွင်း ဆေးခန်း ပြသမှုကို ရပ်ဆိုင်းရန် မလိုအပ်ပေ။ ကိုယ်ဝန် ဆောင်နေစဉ် အတွင်း သွားဖုံး ရောင်ရမ်းခြင်း၊ သွားဖုံးမှ သွေးယိုခြင်း၊ သွားဖုံးမှ အဖုအကျိတ်များ ထွက်ခြင်း စသည်တို့မှာ အချိန်မရွေး ဖြစ်ပွားနိုင်သဖြင့် သွားဖုံးနဲ့ သွားများကို ပုံမှန် စစ်ဆေးမှု ခံယူသင့် ပါတယ်။ ယင်းရောဂါများသည် အများအားဖြင့် ဟော်မုန်း အပြောင်းအလဲများကြောင့် ဖြစ်ပွားရခြင်း ဖြစ်ပြီး သေချာ ဂရုစိုက် စောင့်ကြည့်ရန် လိုအပ်လှ ပါတယ်။ တချို့မှာ ကလေး မွေးဖွားပြီးပါက အလိုလို ပျောက်ကင်း သွားနိုင်သော်လည်း တချို့ ရောဂါများမှာ ကလေး မွေးဖွားပြီးမှ ဆက်လက် ကုသရခြင်း မျိုးလည်း ရှိတတ်ပါတယ်။ ဒါကြောင့် ကျွမ်းကျင်သူ ဆရာဝန်နဲ့ ပြသ တိုင်ပင်ပြီး သွားကျန်းမာရေး ပြဿနာများကို လျှော့ချနိုင် ပါတယ်။ ကလေး မွေးဖွားပြီးနောက် သွားနှင့် ခံတွင်းကုသမှု ခံယူခြင်း ကိုယ်ဝန်ဆောင်စဉ် အတွင်း ဖြစ်ပွားခဲ့သော သွားဖုံးရောင် ရောဂါ၊ သွားဖုံး၌ အဖုအကျိတ် ထွက်ခြင်း စတဲ့ ရောဂါတွေကို ကလေး မွေးဖွားပြီးနောက် ဆက်လက် ခံစားနေရတယ် ဆိုရင် သွားဘက်ဆိုင်ရာ ဆေးခန်းကို သွားရောက်ပြီး ဆရာဝန်နဲ့ ကုသမှု ခံယူသင့် ပါတယ်။ ဒါ့အပြင် မွေးဖွားထားတဲ့ ရင်သွေးငယ်မှာ ခြောက်လ အရွယ်က စပြီး သွားကလေးများ စတင် ပေါက်လာမှာ ဖြစ်လို့ ကလေးငယ်ရဲ့ သွား ကျန်းမာရေးကိုပါ ကြိုတင် ဆွေးနွေးပြီး အကြံဉာဏ်များ ယူနိုင်ပါတယ်။ ကလေးငယ်များတို့ သွားပေါက်တဲ့ အချိန်က စပြီး သွားကလေးများ ဂရုတစိုက် ပြုစုပေးခြင်း၊ သန့်ရှင်းရေး ပြုလုပ်ပေးခြင်း တို့ကို ပြုလုပ်ပေးရင် နိုပိုးလို့ ခေါ်တဲ့ သွားပိုးစား ရောဂါကို ကာကွယ်နိုင်မှာ ဖြစ်ပြီး အသက် ငယ်ငယ်ကလေးနဲ့ သွား နုတ်ရခြင်း၊ သွားကိုက် ဝေဒနာကို အရွယ်နဲ့ မမျှအောင် ခံစားရခြင်း စသည်တို့ကို ရှောင်ရှားနိုင်မှာ ဖြစ်ပါတယ်။ အဲဒါကြောင့် ကိုယ်ဝန်ဆောင် အမေများ အနေနဲ့ ကိုယ်ဝန်ဆောင် ကာလအတွင်း သာမက မီးဖွားပြီး အချိန်များတွင်ပါ မိမိရော၊ မိမိ ကလေးငယ်ကိုပါ သွားနှင့်ခံတွင်း ရောဂါများကို သေချာစစ်ဆေး ဂရုစိုက် စောင့်ရှောက်ရန် လိုအပ်လှ ပါတယ်။ အမျိုးသမီး တစ်ဦးအတွက် ကိုယ်ဝန်ဆောင် ကာလ ဆိုသည်မှာ ကြည်နူး ဆွတ်ပျံ့ဖွယ်၊ လွမ်းမောဖွယ်၊ ထိတ်လန့်ဖွယ် စသော ခံစားမှု ပေါင်းစုံကို ခံစားရသော အချိန်ကာလ တစ်ခုပင် ဖြစ်ပါတယ်။ ယင်းကဲ့သို့ အန္တရာယ်မျိုးစုံ အကြားမှာ ရုန်းကန်နေရတဲ့ အချိန်ကာလ အတွင်းမှာ သတိပြုသင့်၊ ဂရုစိုက်သင့်တဲ့ သွားနှင့်ခံတွင်း ဆိုင်ရာ ကျန်းမာရေး အချက်အလက် များကို သိရှိပြီး မိမိကိုယ်တိုင် သာမက သားငယ်၊ သမီးငယ် များရဲ့ ဘ၀အစ အချိန်ကလေးမှ စ၍ ဂရုစိုက်နိုင် စေရန်

သွားနှင့်ခံတွင်း ပျက်စီးစေသည့် အမူအကျင့်များ (၁) သွားတိုက်ကြမ်းခြင်း ခပ်ကြမ်းကြမ်းတိုက်လေ ခံတွင်းပိုသန့်လေလို့ တော်တော်များများ ထင်တတ်ကြပါတယ်။ ကြမ်းကြမ်းတမ်းတမ်းသွားတိုက်ခြင်းဟာ သွားဖုံး ကိုပျက်စီးစေပါတယ်။ (၂) သွားတိုက်ဆေးအပြင်းစားသုံးခြင်း အချို့သွားတိုက်ဆေးတွေဟာ သွားဖုံးကို တိုက်စားစေပါတယ်။ သွားတိုက်နေစဉ်သွားဖုံးများ ကျိန်းစပ်လာပါက သွားဆရာဝန်နှင့် တိုင်ပင်ပြီး သွားတိုက်ဆေးပြောင်းလဲ တိုက်ပါ။ (၃) မကြာခဏ ပလုတ်ကျင်းခြင်း ဖျော်ရည်တစ်ခုခုသောက်ပြီး အစာတစ်ခုစားပြီးတိုင်း ပလုတ်ကျင်း ရုံနှင့် လုံလောက်ပါသည်။ (၄) သွားကြားထိုးခြင်း သွားကြားညပ်လျှင် သွားကြားထိုးတံနှင့် မထိုးပါနှင့်။ အပ်ချည်ကြိုး ဖြင့်သွားကြားထဲထည့်၍ ပွတ်တိုက်ပါ။ အပ်ချည်ကြိုးသော်လည်းကောင်း၊ သွားကြားထုံးတံသော်လည်းကောင်း သွားကြားထဲရောက်လျှင် နာကျင်လာပါက ဆက်မလုပ်ပါနှင့်။ (၅) အက်ဆစ်ကဲသောပစ္စည်းများ ငုံ ခြင်း သကြားလုံး၊ ချွဲပျော်ငုံဆေး၊ အချဉ်ဓာတ်ကဲသည့် ဆေးများကို ခံတွင်းထဲရေရှည်ငုံခြင်းသည် သွားများ၊ သွားဖုံးများ၊ သွားအမြစ်များကို ပျက်စီးမှုဖြစ်စေသည်။ ကလေးငယ်ကို တိုက်သည့် အပ်စပရင်ဆေးပြားကိုပင် ကြာရှည်ပုံပါက သွားပျက်စီးမှုဖြစ်စေသည်။ (၆) သံပရာသီး ငုံထားခြင်း အက်ဆစ်ဓာတ်ကဲသော PH တန်ဖိုးနည်းသည့် အရည်များ အထူးသဖြင့် အချဉ်ရည်များသည် ရေရှည် ဆက်တိုက်ထိတွေ့ပါက သွားပျက်စီးစေသည်။ သစ်သီးနှင့် ဟင်းသီးဟင်းရွက်စားခြင်း သည် ကောင်းသည့် အကျင့်ဖြစ်သော်လည်း ပါးစပ်ထဲ ထည့်ငုံပါက သွားနှင့်ခံတွင်းကို ပျက်စီး စေသည်

သွားနှင့်ခံတွင်း Good Health 04/27/2011 - 18:51 ဒေါက်တာ ဦးအောင်သန်း သွားနှင့်ခံတွင်းဘက်ဆိုင်ရာ အထူးကု ဆရာဝန်ကြီး မြန်မာနိုင်ငံသားအများစု ကွမ်းစားကြတဲ့ အကြောင်းကို ရှင်းပြပေးပါဆရာ။ ကွမ်းစားတာက မြန်မာ့ရိုးရာဓလေ့တစ်ခု ဖြစ်ခဲ့တယ်။ ရှေးမြန်မာဘုရင်တွေ လက်ထက်ကတည်းက ဘုရင်ကော တိုင်းသူပြည်သားတွေကော ကွမ်းစားခဲ့ကြပါတယ်။ မြန်မာ့ယဉ်ကျေးမှုထဲမှာလည်း ကွမ်းအစ်ဆိုတာ ရှိပါတယ်။ အိမ်ကို ဧည့်သည်တွေလာရင် ကွမ်းအစ်နဲ့ ဧည့်ခံခဲ့ကြတယ်။ မြန်မာတွေရဲ့ ထုံးစံက ကွမ်း၊ ကွမ်းအစ် စတာတွေကို တော်တော်လေး အလေးထားခဲ့တယ်။ အခုချိန်မှာတော့ ကွမ်းစားတဲ့ ဓလေ့က မြန်မာနိုင်ငံမှာတင်မက အရှေ့တောင်အာရှနိုင်ငံ အတော်များများမှာ လည်း ရှိလာတာ တွေ့ရပါတယ်။ ကွမ်းစားတာနဲ့ ပက်သက်ပြီး သွားဆရာဝန်တွေရဲ့ အမြင်ကိုလည်း သိပါရစေဆရာ။ ကွမ်းနဲ့ခံတွင်း ကျန်းမာရေးအတွက် သွားဆရာဝန်တွေက ပြည်သူတွေကို ကွမ်းမစားကြဖို့ အသိပညာပေး ဟောပြောရပါတယ်။ ကွမ်းစားတာကြောင့် ဖြစ်ပေါ်တတ်တဲ့ ခံတွင်းရဲ့ ပြောင်းလဲမှုတွေကို ပညာပေးရပါတယ်။ ကွမ်းစားတာကြောင့် အရင်ဆုံးဖြစ်တဲ့ ပြောင်းလဲမှုက သွားတွေမှာ ကွမ်းချိုးတက်တာပါပဲ။ သွားတွေ အရောင်ပြောင်းလဲပါတယ်။ ကွမ်းစားတာများတဲ့ သူတွေမှာဆိုရင် သွားတွေပေါ်မှာ မည်းနေတဲ့ အလွှာတွေကို တွေ့ရတတ်ပါတယ်။ သွားအခြေမှာ ကွမ်းချိုးတွေ၊ ကျောက်တွေ ဖြစ်ပေါ်စေပါတယ်။ ကွမ်းစားတာကြောင့် သွားတွေပဲ့တာ၊ ထိခိုက်ပွန်းပဲ့တာတွေ ဖြစ်ပေါ်တတ်ပါတယ်။ သွားမျက်နှာပြင်ပေါ်က ကြွေသွားလွှာ ပါးတဲ့အခြေအနေ (Attrition) ကို ဖြစ်ပေါ်စေပါတယ်။ ကွမ်းဝါးတာကြောင့် သွားတွေ ပုံစံပြောင်းသွားတဲ့အတွက် စောင်းသွားတာ၊ မညီမညာ ဖြစ်တာ၊ သွားတွေက ချွန်ထက်ပြီး စူးရှတာတွေ ဖြစ်တတ်ပါတယ်။ အဲဒီ ချွန်ထက်နေတဲ့ သွားတွေက လျှာ၊ ပါးစောင် စတာတွေကို ထိခိုက်စေနိုင်ပါတယ်။ အဲဒီလို ထိခိုက်စေရာကနေ တဖြည်းဖြည်းနဲ့ လျှာကင်ဆာ၊ ခံတွင်းကင်ဆာ စတာတွေကို ဖြစ်စေပါတယ်။ ကွမ်းစားတဲ့အခါမှာ ဘာကြောင့် ထိခိုက်မှု ဖြစ်ရတာလဲဆရာ။ ကွမ်းစားတဲ့အခါမှာ ကွမ်းရွက်၊ ကွမ်း သီး၊ ထုံး၊ ဆေးစတာတွေကို ထည့်စားပြီး ကွမ်းယာကို ဝါးလိုက်တဲ့အခါမှာ ကွမ်းတံတွေး ထွက်လာပြီး အဲဒီ ကွမ်းတံတွေးထဲမှာ Aerocolene ဆိုတဲ့ ဓာတ်ပါလာပါတယ်။ အဲဒီ ဓာတ်က သွားဖုံးနဲ့ ပါးစောင်မှာရှိတဲ့ အသားနုတွေကို စားသွားပြီး SMF (Sub-Mucous Fibrosis) ကို ဖြစ်စေပါတယ်။ SMF ဆိုတာက ကင်ဆာဖြစ်စေနိုင်တဲ့ အနာ(Precancerous Lesion) လို့ ခေါ်ပါတယ်။ ဒီအခြေအနေမှာဆိုရင် နာကျင်တာ၊ ခံတွင်းကို အပြည့်အဝနဲ့ ကောင်းကောင်း မဟနိုင်တာ၊ တံတွေးမျိုရင် နာကျင်တာ စတာတွေကို ခံစားရနိုင်ပါတယ်။ ဒီအခြေအနေမှာ ဆိုရင်တော့ သွားနဲ့ ခံတွင်းဆရာဝန်နဲ့ ပြသသင့်ပါတယ်။ အချိန်မီ ကုသမှု ခံယူရင် ရောဂါ ပျောက်နိုင်ပါတယ်။ ကုသမှု ခံယူနေတဲ့ အချိန်အတောအတွင်းမှာပဲ ကွမ်းကိုလည်း ဖြတ်ရပါမယ်။တကယ်လို့ ဆေးမကုသဘဲ ပေါ့ပေါ့ဆဆ သဘောထားမယ်ဆိုရင် ခံတွင်းကင်ဆာအဖြစ် ပြောင်းသွားနိုင်ပါတယ်။ ကွမ်းစားတဲ့ သူတိုင်း သွားနဲ့ ခံတွင်း ဝေဒနာတွေကို ခံစားရနိုင်ပါသလား ဆရာ။ ကွမ်းစားတဲ့ သူတိုင်းတော့ ခံတွင်းကင်ဆာ မဖြစ်ကြပါဘူး။ ကွမ်းစားတဲ့အခါမှာ ဝါးပြီး ထွေးထုတ်ပစ်တတ်တဲ့ သူတွေက ပါးစပ်ထဲမှာ ကွမ်းကို ကြာကြာမထား တာကြောင့် ကင်ဆာ ဖြစ်နိုင်ခြေ နည်းပါတယ်။ ကွမ်းစားတဲ့ အခါမှာ ပါးစောင်နေရာမှာ ဒါမှမဟုတ် လျှာအောက်မှာ ငုံထားတတ်တဲ့ အကျင့်ရှိရင်တော့ ကွမ်းကြောင့် ခံတွင်းကင်ဆာ ဖြစ်နိုင်ခြေ များပါတယ်။ ကွမ်းစားတာနဲ့အတူ အရက်၊ ဆေးလိပ် စတာတွေကိုပါ တွဲမှီဝဲရင် သွားနဲ့ ခံတွင်း ဝေဒနာကို ခံစားရနိုင်ခြေ ပိုများပါသလား ဆရာ။ အရက်၊ ဆေးလိပ်နဲ့ ကွမ်းကို တွဲပြီး မှီဝဲရင် ခံတွင်းအတွင်းသား နေရာတွေဖြစ်တဲ့ ပါးစောင်၊ လျှာစတဲ့ နေရာတွေမှာ အသားနုရောဂါ အမျိုးမျိုး ဖြစ်ပေါ်တတ်ပါတယ်။ အဲဒါတွေကို Mucosal Diseases လို့ ခေါ်ပါတယ်။ ပါးစောင်အတွင်းပိုင်း နေရာတွေမှာ မလိုင်ဖတ် ကပ်သလို၊ ပင့်ကူအိမ် တွယ်သလို ဖြစ်တဲ့ ရောဂါတွေပါ။ ဆေးလိပ် ကိုပါ သောက်တာကြောင့် နှုတ်ခမ်းကင်ဆာကို ဖြစ်စေနိုင်ပါတယ်။ နှုတ်ခမ်း၊ လျှာ၊ ပါးစောင်၊ အာခေါင်စတဲ့ နေရာတွေမှာ အနာအမျိုးမျိုး ဖြစ်တတ်ပါတယ်။ ကွမ်းစားတဲ့ သူတွေက သွားပိုးမစားဘူးလို့ ကြားဖူးပါတယ်။ မှန်ပါသလား ဆရာ။ သွားတွေပေါ်မှာ ကွမ်းဂျိုးအုပ်နေရင် သွားပိုးစားရောဂါ မဖြစ်နိုင်ပါဘူး။ ကလေးတွေမှာ Fissure Sealent ဆိုတဲ့ ဆေးကို သွားမျက်နှာပြင်ပေါ်က အမြှောင်းတွေမှာ ထည့်ပေးရင် သွားပိုးစားတာကို ကာကွယ်ပေးပါတယ်။ ကွမ်းစားထားရင်တော့ ကွမ်းဂျိုးတွေက အမြှောင်းနေရာတွေကို ပိတ်သွားစေတဲ့အတွက် သွားပိုး မစားတာပါ။ ဒါပေမဲ့ ကောင်းတော့ မကောင်းပါဘူး။ သွားပိုး မစားပေမယ့် သွားပိုးရည်တွေကြောင့် သွားကို ဖုံးအုပ်ထားတဲ့ ကြွေသွားလွှာတွေကို ပွန်းပဲ့စေတဲ့အတွက် သွားကျဉ် တာ၊ အစာစားရင် နာတာ၊ သွားအခြေက သွားဖုံးနဲ့ ထိတဲ့ နေရာမှာ သွားဂျိုးနဲ့ သွားကျောက်တွေ ရှိတာကြောင့် ရေစီးကမ်းပြိုရောဂါ ဖြစ်နိုင်တာ စတာတွေကို ဖြစ်စေ နိုင်လို့ပါ။ ရေစီးကမ်းပြိုရောဂါ (Chronic Periodontitis) ဖြစ်ရင် နှစ်ရှည်လများ ဝေဒနာ ခံစားရတတ်ပြီး သွားဖုံးနဲ့ သွားမြစ်ဝှမ်း အင်္ဂါ အစိတ်အပိုင်းတွေကို ဖြည်းဖြည်းချင်း ပျက်စီးစေတာကြောင့် သွားလှုပ်တာ၊ သွားတွေ အချောင်းလိုက် ကျွတ်တာ စတာတွေကို ဖြစ်စေနိုင်ပါတယ်။ ကွမ်းဂျိုးကို ခြစ်တဲ့ အခါမှာကော တစ်ကြိမ်တည်း ခြစ်ရုံနဲ့ ပုံမှန်သွားတွေလို ဖြူစင်သန့်ရှင်း သွားနိုင်ပါသလား ဆရာ။ ကွမ်းဂျိုး အနည်းအများအလိုက် သွာခြစ်၊ ကျောက်ခြစ်ရတဲ့ အကြိမ်ရေက ကွာခြားနိုင်ပါတယ်။ သွားကျောက်တည်တာ များရင် တစ်ကြိမ်ထက် ပိုပြီး ကျောက်ခြစ် ကုသရတတ်ပါတယ်။ ကျောက်ခြစ် ကုသမှု ခံယူပြီးရင်တော့ သွားတွေက နဂိုမူလအရောင်အတိုင်း ဖြူစင်သန့်ရှင်း သွားမှာပါ။ ကျောက်ခြစ်ပြီးတဲ့ အချိန်မှာလည်း ကွမ်းစားတာကို ရပ်လိုက်မှ ဒါမမဟုတ် လျှော့လိုက်မှသာ အရင်လို ကျောက်ထူတာတွေ၊ သွားအရောင်ပြောင်းတာတွေကို မဖြစ်စေတော့မှာပါ။ ကွမ်းစားတာကြောင့် သွားနဲ့ ခံတွင်းရောဂါတွေ မဖြစ်အောင် ဘယ်လိုကာကွယ်သင့်ပါသလဲ ဆရာ။ ကွမ်းမစားဖို့ပဲ ပြောရမှာပါ။ ကွမ်းစားတဲ့အတွက် တစ်ကိုယ်ရေ သန့်ရှင်းရေးလည်း မကောင်းပါဘူး။ ပတ်ဝန်းကျင်ကိုလည်း ညစ်ညမ်းစေပါတယ်။ ဟိုးအရင်တုန်းက ကွမ်းစားခဲ့ကြပေမယ့် ခံတွင်းကင်ဆာ မဖြစ်တာကတော့ ရှားစေး ထည့်စားတာကြောင့်ပါ။ ကွမ်း၊ ကွမ်းသီး၊ ထုံး စတာတွေ ဓာတ်ပြုပြီး ထွက်လာတဲ့အရည် က Aerocolene ဆိုတဲ့ဓာတ် ထွက်လာပါတယ်။ ရှားစေးထည့်လိုက်တဲ့ အခါကျတော့ဖြေဆေးအနေနဲ့ ဓာတ်ပြယ်စေတာကြောင့် ရှေးတုန်းက လူတွေက ခံတွင်း ကင်ဆာဖြစ်နှုန်း နည်းတာ ဖြစ်ပါတယ်။ ၀ိဇာနှင့် သိပ္ပံပညာရှင်အဖွဲ့ဆုနှင့် ပါရဂူကျမ်းများအတွက် မတ်လ၇ရက် နောက်ဆုံးတင်သွင်းရမည် By: On: 02/15/2011 - 11:56 အတွဲ(၉)၊ အမှတ်(၄၆) မြန်မာနိုင်ငံ ၀ိဇာနှင့် သိပ္ပံပညာ ရှင်အဖွဲ့၏ ပဉ္စမအကြိမ်မြောက် မြန်မာနိုင်ငံဝိဇာနှင့် သိပ္ပံပညာရှင်အဖွဲ့ဆုနှင့် ၂၀၁၀ပြည့်နှစ်အတွက်ပါရဂူကျမ်းများကို မတ် ၇ ရက် နောက်ဆုံးတင်သွင်းရမည်ဖြစ်ကြောင်းသိရသည်။     ၂၀၁၀ပြည့်နှစ်အတွင်း ပညာရေးဝန်ကြီးဌာန၏ တက္ကသိုလ် တစ်ခုခုမှ ပါရဂူဘွဲ့ရရှိသောသူများသည် ၀ိဇာပညာရပ်ဆု၊ သိပ္ပံပညာရပ်ဆု နှင့် လူမှုရေးပညာရပ် ဆုတို့အတွက် ပါရဂူ ကျမ်းတင် သွင်းနိုင်ကြောင်း မြန်မာနိုင်ငံ ၀ိဇာနှင့်သိပ္ပံပညာရှင်အဖွဲ့မှ တာဝန်ရှိသူတစ်ဦးကပြောသည်။     ယခုနှစ် အောက်တိုဘာလတွင် ၎င်းင်းပညာရပ်များကို ရွေးချယ်ချီးမြှင့်သွားမည်ဖြစ်ပြီး သုတေသန စာတမ်းဖတ်ပွဲများလည်း ကျင်းပ သွားမည်ဟု သိရသည်။ ဒေသအ သီးသီးရှိ တက္ကသိုလ်၊ ကောလိပ် များမှ ဆရာ၊ ဆရာမများနှင့် ပြည်ပမှ ပညာရှင်များအနေဖြင့် သုတေသနစာတမ်းတင်သွင်းဖတ် ကြားလိုပါက တင်သွင်းဖတ်ကြား မည့် စာတမ်းခေါင်းစဉ်နှင့် အကျဉ်းချုပ်ကို မတ် ၇ရက်တွင်လည်းကောင်း၊ စာတမ်းအပြည့်အစုံကိုဇွန်လအတွင်းလည်းကောင်း ပေးပို့ရမည်ဖြစ်သည်။ သွားဆရာဝန်များ ဓာတ်ရောင်ခြည် ထိတွေ့မှုနည်းရန် ရှေးရှုသင့် Net Guide 04/28/2011 - 21:49 CT Scan များ၊ ခန္ဓာကိုယ်ကို ရိုက်ကူးသည့် X ရောင်ခြည်များနှင့် အခြား ဆေးဘက်ဆိုင်ရာ ပုံရိပ်ဖမ်း ကိရိယာများမှ ထုတ်လုပ်သည့် ရေဒီယို ဓာတ်ရောင်ခြည်များအပြင် သွားဆေးခန်း၌ သွားရောက် ကုသ ခံယူခြင်းကြောင့် ထိတွေ့သည့် ဓာတ်ရောင်ခြည် ပမာဏများသည် ယခင်ထက် ၇ ဆ ပိုမို များပြားလာကြောင်း သိရှိရသည်။ သာမန် ရေဒီယို ဓာတ်ရောင်ခြည်များသည် နည်းစနစ်သစ်များဖြင့် စမ်းသပ် ခံနေရသည့် သူများနှင့် ထိတွေ့မှု ပိုမို များပြားလာကြောင်းနှင့် သွားဆရာဝန်များသည် ရေဒီယို ဓာတ်ရောင်ခြည် ထုတ်လွှင့်မှု ပမာဏ ပိုမိုနည်းပါးသည့် ကိရိယာသစ်များ လဲလှယ် တပ်ဆင်ရေးအတွက် ရင်းနှီးမြှုပ်နှံမှုကို စိတ်ဝင်စားမှု မရှိကြောင်း မီရှီဂန် တက္ကသိုလ်မှ တွဲဖက် ပါမောက္ခတစ်ဦးက ပြောကြားခဲ့သည်။ အမေရိကန်နိုင်ငံရှိ သွားဆရာဝန် ၇၀ ရာခိုင်နှုန်းသည် ပိုမိုလျင်မြန်စွာ စစ်ဆေးပေးနိုင်သည့် F Speed Film ကိရိယာသစ်များကို တပ်ဆင်ခြင်းမပြုဘဲ D Speed Film ကိရိယာဟောင်းများကိုသာ အသုံးပြုနေသဖြင့် လူနာများ အနေဖြင့် ဓာတ်ရောင်ခြည်သင့်နှုန်း ၆၀ ရာခိုင်နှုန်းနီးပါးကို ခံစားနေရသည်ဟု သိရှိရသည်။ ရေဒီယို ဓာတ်ရောင်ခြည် သင့်မှုကို ကာကွယ်ရန်အတွက် လူနာများ၏ လိုအင်ဆန္ဒနှင့် လိုအပ်သည့် ကိရိယာများ တပ်ဆင် အသုံးပြုရေးတို့ကို ချိန်ဆရန် အရေးကြီးကြောင်း သိရှိရသည်။ကလေး ကာကွယ်ဆေး များပြားလာခြင်းကို မိဘများ စိုးရိမ်ပူပန် 7Day News Journal 04/28/2011 - 15:43 အမေရိကန် နိုင်ငံမှ ကလေးကျန်းမာရေး စောင့်ရှောက်သော ဆရာဝန် အများစုသည် ကလေးများအတွက် ကာကွယ်ဆေး များပြားလာခြင်းကို မိဘများအား ရှင်းလင်း ပြောကြားရင်း အချိန်ကုန်နေရကြောင်း အမေရိကန် သုတေသီများက ပြောကြားသည်။ ကာကွယ်ဆေးများနှင့် ပတ်သက်၍ မိဘများ၏ စိုးရိမ်ပူပန်မှုသည် လွန်ခဲ့သော ငါးနှစ်အတွင်း (သိသိသာသာ) အသင့်အတင့် မြင့်တက်လာခဲ့ကြောင်း အမျိုးသား စစ်တမ်းတစ်ခုတွင် တွေ့ရှိရသည်ဟု ကိုလိုရာဒို ဆေးပညာတက္ကသိုလ်မှ ဒေါက်တာ အဲလစ်ဆန်ကန်ပီက ပြောကြားသည်။ ၎င်းသည် ကိုလိုရာဒို ကလေးဆေးရုံမှ ကလေးကျန်းမာရေး သုတေသန အစီအစဉ်၏ ဒါရိုက်တာ တစ်ဦးလည်း ဖြစ်သည်။ မိဘများက အနည်းဆုံး ကာကွယ်ဆေးတစ်မျိုး ငြင်းဆန်မှုကို ဆရာဝန် ၇၉ ရာခိုင်နှုန်းက ကြုံတွေ့ရကြောင်း၊ ထို့အပြင် ၈၉ ရာခိုင်နှုန်းသော ဆရာဝန်များသည် ကလေးများအတွက် ကာကွယ်ဆေး ထိုးခြင်းအား အချိန်ခြားပေးရန် တောင်းဆိုမှုများနှင့် ကြုံတွေ့ရကြောင်း လေ့လာချက်က ဖော်ပြသည်။ ဆရာဝန် ၄၀ ရာခိုင်နှုန်းသည် ကာကွယ်ဆေး ငြင်းဆန်သော မိဘများအား စာရွက်စာတမ်းများတွင် လက်မှတ် ထိုးခိုင်းတတ်ကြောင်း၊ ဆယ်ရာခိုင်နှုန်းက ကာကွယ်ဆေးထိုးရန် ငြင်းဆန်သော မိဘများ၏ ကလေးငယ်များအား ဆက်လက် ဆေးကုသခြင်း မပြုတော့ကြောင်းလည်း လေ့လာချက်က တွေ့ရှိခဲ့သည်

သွားနှင့်ခံတွင်း ပညာပေး

သွားနှင့်ခံတွင်း ပညာပေး (၃) သွားနှင့်ခံတွင်း ရောဂါများတွင် အဖြစ်များသော ရောဂါများမှာ သွားပိုးစားရောဂါ (dental caries) နှင့် သွားဖုံးရောဂါ(periodontal disease) တို့ဖြစ်ပါသည်။ သွားပိုးစားရောဂါသည် အများအားဖြင့် အသက်ငယ်ရွယ်သူများတွင် ပိုမိုဖြစ်ပွားလေ့ရှိပါသည်။ သွားပိုးစားရောဂါ အဘယ်ကြောင့် ဖြစ်ရသနည်း သွားပိုးစားရောဂါသည် လူအချို့ ထင်မြင်နေကြသကဲ့သို့ သွားကို ပိုးကောင်က ကိုက်စားခြင်း မဟုတ်ပါ။ သွားချေးလွှာ (bacterial plaque) ဟုခေါ်သော သာမာန်မျက်စိဖြင့် မမြင်နိုင်သော ဘက်တီးရီးယားပိုးများ ပါဝင်သည့် စေးကပ်ပျော့ပျောင်းသော အလွှာပါးသည် အဓိကအားဖြင့် သွား၏ ၀ါးသောမျာက်နှာပြင်ရှိ အချိုင့်များ၊ tအစင်းများ၊ သွားတစ်ချောင်းနှင့် တစ်ချောင်းကြား နေရာများ၊ သွားနှင့်သွားဖုံး ဆုံရာနေရာများတွင် တွယ်ကပ်နေတတ်ပါသည်။ ယင်း သွားချေးလွှာထဲရှိ အချို့ဘက်တီးရီးယားပိုးများနှင့် ချိုပြီးစေးကပ်သော အစာများ အထူးသဖြင့် သကြားဓါတ်များပါဝင်သော အစားအစာတို့ အချဉ်ပေါက် ဓါတ်ပြုရာမှ အက်စစ်ပျော့တစ်မျိုး ထွက်လာသည်။ ထိုအက်စစ်ကသာ သွားနှင့်ထိတွေ့ပြီး အချိန်ကြာလာသည်နှင့်အမျှ သွားတွင်အပေါက်ငယ်များ ဖြစ်ပေါ်လာစေကာ သွားပိုးစားရောဂါ စတင်ဖြစ်ပေါ်လာပါသည်။ သွားပိုးစားရောဂါ ဖြစ်ပွားပုံ အဆင့်ဆင့် သွားချေးလွှာတွင် ပါဝင်သော ဘက်တီးရီးယားများသည် ချိုပြီး စေးကပ်သော အစာများနှင့် အချဉ်ပေါက် ဓါတ်ပြုရာမှ ထွက်ပေါ်လာသည့်အက်စစ်က သွားတွင်ပါဝင်သော သတ္ထုဓါတ်များကို ပျော်ဝင်ပျက်စီးစေလျှက် သွားပိုးပေါက်ခြင်းကို ဖြစ်စေသည်။ ထို့ကြောင့် သွားပိုးစားခြင်းကို အချို့ပညာရှင်များက ပိုးစားခြင်းမဟုတ်၍ သွားဆွေးမြေ့ခြင်း (dental decay)ဟု ခေါ်ဆိုကြပါသည်။ ကြွေသွားလွှာတွင် သွားပိုးစားခြင်း။ ။ သွားပိုးစားခြင်း ဖြစ်စဉ်သည် ပထမဦးစွာ သွား၏အပြင်ဘက်ဆုံး အလွှာဖြစ်သည့် ကြွေသွားလွှာတွင် စတင်၍ ဖြစ်ပေါ်လာပါသည်။ ထိုအခါ အမဲစက် အမဲပျောက်များ စတင်ဖြစ်ပေါ်ပြီး ထိုမှ အပေါက်ငယ်အသွင်ပြောင်းလျှက် ပိုမိုကြီးလာနိုင်ပါသည်။ ဤအလွှာအတွင်း သွားပိုးပေါက်ဖြစ်လျှင် ဝေဒနာ မခံစားရသော်လည်း သွားပေါက်ထဲသို့ အစာဝင်နိုင်ပါသည်။ ယင်းသို့ သွားပိုးပေါက်ကို သတိပြုမိလာပါက သွားဘက်ဆိုင်ရာ ဆရာဝန်ထံတွင် ကြိုတင်စစ်ဆေး ကုသမှုကို ခံယူပါ။ အကယ်၍ သွားပိုးစားရောဂါ ဆက်လက်ပျံ့နှံ့လာပါက အောက်ရှိ ဆင်စွယ်နှစ်လွှာကို ရောက်သွားနိုင်ပါသည်။ ဆင်ဆွယ်နှစ်လွှာတွင် သွားပိုးစားခြင်း။ ။ ဤအလွှာတွင် သွားပိုးစားခြင်း ဖြစ်လျှင်မှု အပူ၊အအေး အစားများ စားသုံးလျှင် သွားကျင်မှုဝေဒနာကို စတင်၍ခံစားရပါသည်။ သွားမျက်နှာပြင်များတွင်လည်း မဲနက်သော သွားပိုးပေါက်များကို စတင်တွေ့မြင် လာနိုင်ပါသည်။ သွားဘက်ဆိုင်ရာ ဆရာဝန်နှင့် အမြန်ဆုံးပြသ၍ ကုသမှုကို ခံယူသင့်ပါသည်။ ဤအခြေအနေတွင် ကုသမှုကို မခံယူပါက အောက်ဘက်ရှိ မွသွားလွှာကို သွားပိုးစားရောဂါ ဆက်လက်ပျံ့နှံ့ သွားနိုင်ပါသည်။ မွသွားလွှာအတွင်း သွားပိုးစားခြင်း။ ။ ဆင်စွယ်နှစ်လွှာသို့ ရောက်ရှိနေသော သွားပိုးစားခြင်း ဖြစ်စဉ်သည် အချိန်မီကုသမှု မခံယူလျှင် မွသွာလွှာဟုခေါ်သော သွေးကြောများရှိရာသို့ ပျံ့နှံ့ပြီး ပြင်းထန်သော သွားကိုက်ဝေဒနာကို ခံစားရပေးမည်။ သွားပိုးစားခြင်း၏ နောက်ဆက်တွဲ ဖြစ်စဉ်များ မွသွားလွှာအထိ ရောက်ရှိသွားသော သွားပိုးစားခြင်းဖြစ်စဉ်ကို မကုသပဲထားရှိပါက အချိန်ကြာလာသည်နှင့် အမျှ သွားတွင်ရှိသော အာရုံကြောများ ပုပ်သွားပါမည်။ ကြာလျှင် သွားသည် နဂိုမူလအရောင်မှ တဖြည်းဖြည်း အရောင်ပြောင်းပြီး ညိုမဲသွားနိုင်ပါသည်။ ထိုမှတဆင့် ရောဂါပိုးများ၏ ပျံ့နှံ့မှုကြောင့် ပါးစပ်၊ မျက်နှာ အစိတ်အပိုင်းတစ်ခုလုံး ရောင်ရမ်းပြီး အစာမစားနိုင်ခြင်း၊ အလုပ်အကိုင်ပျက်ခြင်း၊ ညပိုင်းတွင် ဖြစ်ပါက အအိပ်ပျက်ခြင်း စသည့်အခြားမလိုလားအပ်သော ဆိုးကျိုးများ ရရှိနိုင်လာပါသည်။ ရောဂါပိုးများ၏ ပျံ့နှံ့မှုကြောင့် သွားမြစ်ထိပ် ပြည်တည်နာဖြစ်နိုင်ပြီး ၊ထိုမှတဆင့် ရောဂါပိုးများသည် သွေးကြောများထဲသို့ ရောက်ရှိနိုင်ပြီး ခန္ဓာကိုယ်အတွင်း ဆက်လက်ပျံ့နှံ့ကာ အသက်အန္တရာယ်ကို ထိခိုက်နိုင်သည်အထိ မလိုလားအပ်သော နောက်ဆက်တွဲ ဆိုးကျိုးများကို ရရှိနိုင်ပါသည်

ခံတွင်းနံ့နံခြင်း

သွားနှင့်ခံတွင်း ရောဂါကင်းဖို့ အာခံတွင်း အနံ့သင်းစေဖို့ ကြာညိုနံ့--- အာခံတွင်း ကြာညိုနံ့သင်းပါစေကြောင်း တောင်းဆုကို ရှေးကအမျိုးသမီးကောင်းတို့ အထင်ကရ ဆုပန်ဆုတောင်းတတ်ကြကြောင်း စာပေများမှတဆင့် ဖတ်ရှုမှတ်သားခဲ့ရဖူးပါသည်။ ကြာညိုနံ့ဆိုသည်မှာ သင်းသင်းလေးမွှေးပျံ့သော ရနံ့ထူးဖြစ်၏။  ကြာညိုသည် ကြာမျိုး ၅-ပါးတွင် တပါးပါဝင်၏။ ကြာညိုဟု အမည်ရသော်လည်း အညိုရောင် မဟုတ်ပါ။ အပြာရောင်သာ ဖြစ်ချေ၏။ ဦးပုည၏ ဆဒ္ဒန်ဆင်မင်းဝတ္ထုကို သင်ကြားခဲ့ရဖူးပါသည်။ ဦးပုညဝတ္ထု ၄-ပုဒ် စာအုပ်ကို ကျွန်တော် ၁၀-တန်း(တက္ကသိုလ်ဝင်တန်း) တက်ရောက်ရစဉ် ၁၉၆၅-ခုနှစ်ဝန်းကျင်တုန်းက မြန်မာစာအတွက် သိပ္ပံမောင်ဝ-၏ ဝတ္ထုဆောင်းပါးများ စာအုပ်နှင့် တွဲဖက်ပြဋ္ဌာန်းထား၏။ ဆဒ္ဒန်ဆင်မင်း နေထိုင်ရာ ဆဒ္ဒန်အိုင်သို့ သောနုတ္ထိုရ် မုဆိုး အသွားခရီးတွင် ကြာတောကြီးများကို ဖြတ်သန်းသွားရ၏။ စာအနုအယဉ်အဖွဲ့အနွဲ့ တော်လွန်း ချွန်လွန်းသော ဦးပုညသည် ကြာမျိုး ၅-ပါးတောကို တပါးတတောအဖြစ် ထူးခြားရှည်လျားစွာ ဖွဲ့၏။ နီလာမြသား, ပယားရတနာ,မာလာမကုလ-အစရှိသည်ဖြင့် ကြာညိုတောကို စတင်ဖွဲ့နွဲ့၏။ နီလာကျောက်မျက်၏ အရောင်သည် အပြာရောင်ဖြစ်၏။ မြကျောက်မျက်သည် အစိမ်းရောင်ပါ။ အပြာနှင့် အစိမ်းရောင်ရောယှက်နေသော ကြာပန်းမျိုးကို ကြာညိုဟုခေါ်၏။ ကြာဝတ်ချပ်လွှာ၏ အတွင်းဖက်သည် နီလာအပြာရောင်လွင်လွင် ရှိလျက် ကြာဝတ်ချပ်လွှာ၏ ကျောဖက်သည် မြစိမ်းရောင်ရှိပါသည်။ မသိသူတို့က ကြာပြာဟု မှားခေါ်ကြ၏။ အမှန်မှာမူ ကြာညိုဖြစ်ပါသည်။ ကြာညိုနံ့သည် သင်းသည်ဆိုရုံမျှသာ သင်း၏၊ ကြာနီတို့ ကြာဖြူတို့ ပဒုမ္မာကြာတို့လို့တောင် မမွှေးလှပါ။ အမှန်တော့လည်း ကြာပန်းဟူသမျှတို့၏ ရနံ့သည် သင်းပျံ့ရုံသာမွှေးသည်။ မွှေးနံ့မရိုင်းလှပါ။  ကျန်းမာရေးကောင်းမွန်သော အမျိုးသားကောင်း၊ အမျိုးသမီးကောင်းတို့၏ ကိုယ်သင်းနံ့သည် လန်းဆန်းလတ်ဆတ်သည့် ကိုယ်ပိုင်ရနံ့တမျိုးထွက်သည်ဟု ဆိုကြပါသည်။ အလားတူစွာ ခံတွင်းကျန်းမာရေး ကောင်းသူ၏ အာခံတွင်းနံ့သည်လည်း သင်းပျံ့ရုံမျှသာ သင်းသင်းလေးမွှေးတတ်သည်။ ဤသည်လည်း လူတိုင်းအတွက် မဖြစ်နိုင်သော အရည်အချင်းတရပ်ဖြစ်၏။ သို့ကြောင့် မက်မောလှစွာ အာခံတွင်းကြာညိုနံ့ သင်းပါရစေကြောင်း ဆုမွန်ကောင်းတောင်းခြွေကြခြင်း ဖြစ်ပါသည်။ တောင်းဆုဆိုသည်မှာလည်း ထိုတောင်းနေရုံမျှနှင့် ရရှိအပ်သော အရာမျိုးမဟုတ်ပါပေ။ မိမိကိုယ်တိုင်က ကြောင့်ကြစိုက်ရသော ကိစ္စရပ်ဖြစ်ပါသည်။  သန့်ရှင်းရေး--- ဒေါက်တာ...ကျွန်မပါးစပ်က အနံ့အသက် မကောင်းဘူး၊ ဘယ်လိုလုပ်ရမလဲ ရှင်? ဆရာ ကျွန်တော့မှာ အာပုပ်နံ့ ရှိနေတယ်၊ သူများနဲ့စကားပြောရင် သိပ်အားနာစရာ ကောင်းတယ်, ခံတွင်းအနံ့ကောင်းအောင် ဘာဆေးသုံးရမလဲ ဆရာ? ဤသို့သော မေးခွန်းများနှင့် အလားတူဆင်တူယိုးမှား မေးခွန်းများတို့ကို မကြာခဏ လူနာများ မေးမြန်းစုံစမ်းတတ်ကြပါသည်။ ဘာလုပ်ရမလဲဆိုသော မေးခွန်းအတွက် အကောင်းဆုံးနှင့် ယေဘုယျအကျဆုံး အဖြေတရပ်မှာ "သန့်ရှင်းရေး ဂရုစိုက်ပါ"ဟူ၍သာ ဖြစ်ပါသည်။  တကိုယ်ရေ သန့်ရှင်းရေးမှာ အရေးကြီးလှပါသည်။ ၃၂-ကောဋ္ဌာသ ရုပ်အစုအဝေးနှင့် ဖွဲ့စည်းထားသော ကျွန်တော်တို့၏ ရုပ်ခန္ဓာကိုယ်ကြီးမှာ ကိုးပေါက်သော ဒွါရကြီး မွှေးညင်းပေါက်ဒွါရငယ် အသွယ်သွယ်တို့မှ တစိမ့်စိမ့်တယိုယို စမ်းပေါက်ဝမှ ရေစိမ့်သလို အညစ်အကြေးများ အမြဲမပြတ် ယိုထွက်နေကျပါသည်။ မနက်အိပ်ရာထ မျက်နှာသစ်၊ ကိုယ်လက်သုပ်သင်သည်မှစ၍ ခန္ဓာကိုယ်ကို ပြုပြင်နေရ၏။ မပြုပြင်ပေးလျှင် မတင့်တယ်နိုင်ပါ။ အပုပ်ကောင်ကို ရုပ်ဆောင်နေကြရ၍ နာမကျန်းဖြစ်သဖြင့် မသန့်ရှင်းနိုင်လျှင် အလွန်ရွံရှာဖွယ်ကြီး ဖြစ်တော့၏။ အနေပက်စက်သူများအဖို့ လက်ကတီးနံ့က ထောင်းခနဲ ထလာတတ်၏။ ရေမချိုးသည့် ရက် ကြာလာလျှင်  ချွေးနံ့က ပြင်းချင်လာသည်။ ခေါင်းမလျှော်အားလျှင် ဆံပင်၏ ညှီစို့စို့အနံ့က လူကို အတော်အနှောင့်အယှက် ပေးချင်ပြန်သည်။ ခေါင်းလျှော်ရေချိုးလိုက်ရမှ လူသန့်ပြီး စိတ်လန်းဆန်းသွား ပါတော့သည်။ ကျန်းမာရေး အစ တကိုယ်ရေ သန့်ရှင်းရေးက-ဟူသော ဆောင်ပုဒ်အတိုင်း ကျန်းမာ အသက်ရှည်စေဖို့ ကျွန်တော်တို့သည် တကိုယ်ရေ သန့်ရှင်းရေးကို အထူးဂရုစိုက် ဆောင်ရွက်ကြရမည်ဖြစ်၏။ မိမိကိုယ်ကို ဗဟိုပြုကာ မေတ္တာပို့ စက်ဝိုင်းချဲ့သွားဘိသကဲ့သို့ မိမိတကိုယ်ရေ သန့်ရှင်းရေး၊ ကျန်းမာရေးမှသည် မိသားစု သန့်ရှင်းရေး၊ ကျန်းမာရေး၊ ရပ်ရွာ၊ မြို့နယ်၊ ပြည်နယ်နှင့်တိုင်း တိုင်အောင် လူတိုင်းသန့်ရှင်း ကျန်းမာသည်အထိ တဆင့်ပြီးတဆင့် တိုးတက်အောင်မြင်သွားနိုင်ပါသည်။ ကျန်းမာရေးသည် အမျိုးသားရေး ဖြစ်လျက် နိုင်ငံတိုးတက်စည်ပင်စေကြောင်း အခြေခံကောင်းတရပ်လည်း ဖြစ်၏။ ကျန်းမာသန်စွမ်းသော လူငယ်လူလတ်များပြားပါမှ လူ့အရင်းအမြစ် လုပ်အား အပြည့်အဝ ရနိုင်ပါမည်။ စာသင်၍လည်းတတ်, အလုပ်မှာလည်းတော်၊ ဉာဏ်စွမ်းရည်လည်း ထက်မြက်၊ တက်ညီလက်ညီ ပူးပေါင်းဆောင်ရွက်ရသည့်အကျိုး အဖိုအနဂ္ဃပါ။ ကျန်းမာသော လူအိုလူမင်းများအတွက် နိုင်ငံတော်က ဝန်မလေးသည်နှင့်အမျှ ကုန်ကျစရိတ်လည်း များစွာသက်သာနိုင်ပါ၏။ ခံတွင်းသန့်ရှင်းရေး--- ကျွန်တော်တို့ စားမျိုလိုက်သမျှ အစားအစာတို့သည် ခံတွင်းမှချည်း ဖြတ်သန်းသွားရပါသည်။ ခံတွင်းသန့်ရှင်းရေး ကောင်းမွန်နေသမျှ တော်ရုံ ဝမ်းပျက်ဝမ်းလျှော ဝမ်းဖော ဝမ်းရောင် ဝမ်းကိုက် စသော ဝမ်းဗိုက်၏ ပြဿနာကြီးငယ်များနှင့် အတော်အတန် ကင်းဝေးနိုင်ပါသည်။  ဝမ်းတလုံးကောင်း ခေါင်းမခဲ-ဆိုသော ရှေးဆိုရိုးစကားသည် မှန်လှ၏။ ကျွန်တော်တို့ သက်ရှည်ကျန်းမာဖို့ အစာအာဟာရကို နေ့တိုင်း စားသုံးဝါးမျိုနေကြရပါသည်။ သွားတွေက ဝါးကြိတ်ပြီး မျိုချလိုက်သောအခါ အစာများသည် အစာအိမ်သို့ ရောက်ရှိသွား၏။ အစာချေရည် (တိုင်းရင်းဆေးပညာ အလိုအားဖြင့် ပါစကမီး၊ အင်္ဂလိပ်သိပ္ပံဆေးပညာနည်းအရ ဟိုက်ဒရိုကလိုရစ်အက်စစ်ဓာတ်)၏ အစွမ်းကြောင့် ကြေညက်ရ၏။ အစားအစာ၏ အဆီသြဇာဓာတ်များကို အူမ အူသိမ်လမ်းကြောင်းတလျှောက်က စုပ်ယူထားလိုက်၍ ကျွန်တော်တို့အားအင်ပြည့်ဖြိုးကြရသည်။ ကဲ-အစားအစာများ ရှေးဦးတွေ့ကြုံဖြတ်သန်းရသည်မှာ အာခံတွင်း မဟုတ်ပါလား၊ အာခံတွင်း သန့်ရှင်းရေး မည်မျှအရေးပါသည်ကို ရိပ်စားမိလောက်ပါပြီ။ အာခံတွင်း၌ အဓိကသွားများနှင့် လျှာ၊ သွားဖုံး၊ ပါးစောင်၊ အာခေါင်စသည့် အစိတ်အပိုင်းများ ပါဝင်နေ၏။ အစာကြေညက်ဖို့ သွားများကောင်းမွန် သန်စွမ်းရပါလိမ့်မည်။ သွားပိုးအပေါက်များ ရှိနေသည်၊ ကိုက်သည်၊ နာသည်၊ မစားနိုင်ပြီ၊ မအိပ်နိုင်ပြီဆိုလျှင် ကျန်းမာရေး မပြည့်စုံနိုင်ပါ။ ကျန်းမာရေးချွတ်ယွင်းလျှင် လူလည်းမမတ် မထောင်နိုင်ဘဲ သာခွေယိုင်ဖြစ်ပါပြီ၊ စားနိုင်ဝါးနိုင် ကြေညက်နိုင်၊ အိပ်စက်နိုင်ပါမှ ကျန်းမာသန်စွမ်းနိုင်ပါလိမ့်မည်။ စိတ်လုံခြုံမှု--- လူသားဆိုသည်မှာ အချင်းချင်း ပေါင်းသင်းဆက်ဆံရသော သက်ရှိများဖြစ်ကြ၏။ ဆက်ဆံရေးတွင် စကားပြောဆိုဆက်သွယ်ရခြင်းမှာ အဓိကအခန်းကဏ္ဍမှ ပါဝင်နေ၏။ အာခံတွင်း အနံ့အသက်မကောင်းဟု သူများကလည်းပြော မိမိကလည်း သိရှိရိပ်မိနေပါက အလိုလိုနေရင်း စိတ်မလုံမလဲဖြစ်ကာ သိမ်ငယ်စိတ်ဝင်နေတတ်ပါသည်။ ထိုသိမ်ငယ်စိတ်သည် ကြီးပွားတိုးတက်ရေးအတွက် ကြီးစွာသော အဟန့်အတားတရပ်ဖြစ်၏။ မိမိစိတ်လုံခြုံမှု ရရှိနိုင်စေဖို့ ခံတွင်းကျန်းမာသန့်ရှင်း ကြာညိုနံ့သင်းရန် မလွဲမသွေ လိုအပ်ပါသည်။ ဘာကြောင့်အနံ့အသက်ရှိရပါသနည်း၊ ညစ်ပတ်သောကြောင့်ဟု လိုရင်းတိုရှင်း ဖြေကြား ရလျှင် တဲ့တိုးကြီး ဖြစ်ကာ နားရိုင်းသောကြောင့် မည်သူမျှ ကြိုက်နှစ်သက်ကြမည်မဟုတ်ပေ။ အမှန်စကား ဖြစ်ပါ၏။ ခံတွင်းသန့်ရှင်းရေးကို ဂရုမစိုက်၊ ညစ်ပတ်လှသောကြောင့် သွားများ သွားပိုးစားတော့၏။ သွားပိုးပေါက်ထဲသို့ အစာများ ဝင်ခိုနေ၏။ ထိုစားကြွင်းစားကျန်များ ပုပ်သိုးဆွေးမြည့်ကာ ပုပ်နံ့ထောင်းခနဲထစေတော့၏။ သွားကြားညှပ်သောနေရာများ၌ အသားမျှင်များ၊ မှို၊ မျှစ်ကဲ့သို့ အမျှင်ကြမ်းများညှပ်ခိုနေရာ တော်ရုံသွားကြားထိုးတံဖြင့်လည်း မထွက်၊ သွားတိုက်လို့လည်း မရနှင့် ဒုက္ခအကြီးအကျယ်ပေးပါ၏။ ပိုးစားပေါက်က နောက်မှဖြစ်မည်။ လောလောလတ်လတ် အစာပုပ်ကြောင့် သွားဖုံးရောင်မည်၊ ပြည်တည်မည်၊ ရောင်ကိုင်းမည်၊ ပုပ်နံ့ဆိုးမည် သေချာပါတော့သည်။ သွားခြေရှိ ကျောက်ချပ်လွှာများကြောင့်လည်း သွားဖုံးရောင် သွေးယိုစိမ့်နိုင်ပါသည်။ ကျောက်ချပ်ကြား၌ မှီတွယ်စားသောက် ပွားများနေသော ဘက်တီးရီးယား ကပ်ပါးပိုးမွှားကြောင့် အနံ့အသက် ပိုဆိုးလာ၏။ ပိုးမွှားစွန့်ထုတ်သော အညစ်အကြေးများကြောင့် အနံ့အသက် ပိုမိုဆိုဝါးခြင်းပါ။ သွားဖုံးရောင်ပြီဆိုသည်နှင့် ယိုစိမ့်သော သွေးပြည်များကြောင့် အနံ့ပြင်းရခြင်း ဖြစ်၏။ သွားဖုံးတင် ရောင်ခြင်းမဟုတ်မူဘဲ သွားမြစ်ပတ်လည်ရှိ အမြစ်ပတ်အမှေးပါးပါ ကိုင်းရောင်လာရင် သွားများယိုင်နဲ့ခြင်း၊ သွေးကြောင့် ပြည်ကြောင့် စိမ့်ယိုထွက်ခြင်းများကလည်း အနံ့အသက် ပိုဆိုးစေပြန်၏။ စောစောအချိန်မီ မကုသလိုက်နိုင်ပါလျှင် သွားတွေ တချောင်းပြီးတချောင်း ယိုင်နဲ့ကျွတ်ထွက်ကုန်တတ်၏။ မြစ်ရေစီးကြောင့် ကမ်းပါးမြေ ပြိုသလို သွားပြိုကျသည်များမှာလည်း လျင်မြန်ဆိုးဝါးလှသောကြောင့် ရေစီးကမ်းပြို ဒန္တစို-ရောဂါဟု အမည်ပေးထားခြင်းဖြစ်၏။ သွားတွေ မျိုးပြုတ်တော့မှပဲ ရပ်နား၏။ ရှေးလူကြီးများ မနက်မျက်နှာသစ် သွားတိုက်ပြီးလျှင် နှီးခေါက် (ဝါးကြောပါးပါး) လေးဖြင့် လျှာကို ဂရုတစိုက် ခြစ်ပစ်တတ်၏။ လျှာတွင်ကပ်ငြိနေသော အညစ်အကြေးများကို သန့်ရှင်းနည်းတမျိုး ဖြစ်ပါသည်။ လျှာ၏ အဖုအပိန့်ကွဲကြောင့် အက်ကြောင်းများတွင်လည်း ကပ်ပါးကောင် ဘက်တီးရီးယားများ မှီခိုပွားများနေတတ်၏။ လူ့ကျန်းမာရေး ညံ့ဖျင်းချိန် ပိုဆိုး၏။ ဆရာဝန်များ လူနာကို စစ်ဆေးလျှင် လျှာထုတ်ခိုင်းပြီး အကဲခတ်သည်မှာ လျှာဖြူထူသလား၊ နီပါးသလား ကြည့်ရှုခြင်းဖြစ်၏။ အူရောင်ငန်းဖျား တိုက်ဖွိုက်ကဲ့သို့ ရက်ရှည်ဖျားနာသူတို့၏ လျှာမှာ ဖြူပြီး ထူထဲလှ၏။ အနံ့အသက်လည်း ဆိုးဝါးနေပါသည်။ ထို့ကြောင့် တကိုယ်ရေသန့်ရှင်းရေး ဦးစားပေးရမည် ဖြစ်သလို ခံတွင်းသန့်ရှင်းရေးကိုလည်း ဂရုတစိုက် ဆောင်ရွက်ပေးကြရပါမည်။ သွားပိုးပေါက်၊ သွားဖုံးရောင်သွေးယို၊ ရေစီးကမ်းပြို ဒန္တစို၊ သွားခြေကျောက်တည်ခြင်းတို့သည် ခံတွင်းအနံ့ဆိုးစေကြောင်း ဖော်ပြပါအချက်များမှ ကင်းလွတ်လျှင် အာခံတွင်းကြာညိုနံ့ သင်းမည်ဖြစ်ကြောင်း အနှစ်ချုပ်အားဖြင့် တင်ပြလိုက်ရပါသည်။ ဒေါက်တာအောင်ကျော် (သွား/ဆရာဝန်) သ.ခ.၁၃၆ (လုံမလေး ၂၀၀၆-နိုဝင်ဘာ